ကမာရွတ်မြို့နယ်တွင် ယာဉ်တိုက်မှုဖြစ်ပွားရာမှ အမျိုးသား ၂ ဦး သေဆုံး
PUBLISHED - August 29, 2024
နေပြည်တော်၊ ဩဂုတ် ၂၉
ရန်ကုန်တိုင်းဒေသကြီး၊ ကမာရွတ်မြို့နယ်၊ (၃)ရပ်ကွက်၊ ဗဟိုလမ်း၊ (၁၅)ပေ ဂုံးတံတားတွင် ယမန်နေ့ ည ၁၁နာရီကျော် အချိန်က ယာဉ်တိုက်မှုဖြစ်ပွားရာမှ အမျိုးသား ၂ ဦး သေဆုံးပြီး ၃ ဦး ထိခိုက်ဒဏ်ရာရရှိခဲ့ ကြောင်း မီးသတ်ဖွဲ့မှ သိရသည်။
ကမာရွတ်မြို့နယ်၊ (၃)ရပ်ကွက်၊ ဗဟိုလမ်း၊ (၁၅)ပေဂုံးတံတားတွင် ယာဉ်တိုက်မှုဖြစ်ပွားပြီး လူညပ်နေကြောင်း သတင်းရရှိသဖြင့် ကမာရွတ်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများဆောင်ရွက်ပေးခဲ့ကြောင်း သိရသည်။
အဆိုပါယာဉ်တိုက်မှုကြောင့် ကားအတွင်းညပ်နေသော အမျိုးသား (၂)ဦး သေဆုံးခဲ့ပြီး အမျိုးသား (၃)ဦး စိုးရိမ်ဒဏ်ရာရရှိခဲ့၍ စမ်းချောင်းအရန်မီးသတ်(ရဲသူရိန်)မှ သူနာတင်ယာဉ်၊ MAN ပရဟိတအသင်းမှ သူနာ တင်ယာဉ်၊ ရတနာအောင်ပရဟိတအသင်းမှ သူနာတင်ယာဉ်များဖြင့် ရန်ကုန်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
#PeopleMedia