ကမာၻအဆင္းရဲဆံုးႏွင့္အထိခိုက္လြယ္ဆံုးေသာႏိုင္ငံကို ကို႐ိုနာဗိုင္းရပ္စ္ကာကြယ္ေဆးရရန္ခ်န္ထားရမည္မ ဟုတ္ဟု ကမာၻ႔က်န္းမာေရးအဖြဲ႔(WHO)အႀကီးအကဲကသတိေပးသည္။

ေအာင္ျမင္ေသာကာကြယ္ေဆးမ်ားကို မွ်တစြာေ၀မွ်ရမည္ျဖစ္ေၾကာင္းႏွင့္ ေ၀မွ်ရန္အစီအစဥ္ကို ေငြေၾကး ေထာက္ပံ့ရန္ ေဒၚလာသန္း ၄၃၀၀ လိုအပ္ေၾကာင္း ေဒါက္တာ တက္ဒ႐ို႕စ္ အက္ဟာႏြန္ ဂီဘရီရီး ဆက္စ္ကေျပာသည္။

လက္႐ွိအခ်ိန္တြင္ ကို႐ိုနာဗိုင္းရပ္စ္ကာကြယ္ေဆး ၄ မ်ိဳး၏ေနာက္ဆံုးအဆင့္စမ္းသပ္မႈရလဒ္မ်ားတြင္ ရလဒ္ေကာင္းမ်ားထြက္ေနသည္။

ၿပီးခဲ့သည့္တပတ္တြင္ ၉၅ ရာခိုင္ႏႈန္းအထိအစြမ္းထက္ေသာ ဖီဇာႏွင့္ဘိုင္အိုအန္တက္ခ္ကုမၸဏီမ်ား၏ေဆးႏွင့္ မိုဒါးနားကုမၸဏီ၏ေဆး ရလဒ္မ်ားေၾကညာခဲ့ၿပီး တနလၤာေန႔တြင္ ေအာက္စဖို႔တကၠသိုလ္ႏွင့္ အက္စထရာဇီနီကာ ေဆးကုမၸဏီတို႔၏ ၉၀ ရာခိုင္ႏႈန္းအထိအစြမ္းထက္ႏိုင္ေသာကာကြယ္ေဆးရလဒ္ကိုေၾကညာခဲ့သည္။

ေအာက္စဖို႔ေဆးသည္ ပိုေစ်းသက္သာၿပီး အပူခ်ိန္လိုအပ္ခ်က္ပိုနည္းသျဖင့္ ယခင္ေဆး ၂ မ်ိဳးထက္ ဖြံ႔ၿဖိဳးဆဲႏိုင္ငံမ်ားထံေရာက္ႏိုင္ေခ်ပိုမ်ားသည္။

႐ု႐ွားႏိုင္ငံကထုတ္လုပ္ေနသည့္ စပြတ္ညစ္-၅ ကာကြယ္ေဆးသည္လည္း ေနာက္ဆံုးအဆင့္ ၃ စမ္းသပ္ခ်က္မ်ားတြင္ အေစာပိုင္းရလဒ္မ်ားေကာင္းေနသည္။

ကမ္ဘာ့အဆင်းရဲဆုံးနိုင်ငံများအတွက် ကာကွယ်ဆေးမရဘဲချန်ထားရမည်မဟုတ်ဟု ကမ္ဘာ့ကျန်းမာရေးအဖွဲ့ပြော

ဂျီနီဗာ၊ နိုဝင်ဘာ ၂၄

ကမ္ဘာအဆင်းရဲဆုံးနှင့်အထိခိုက်လွယ်ဆုံးသောနိုင်ငံကို ကိုရိုနာဗိုင်းရပ်စ်ကာကွယ်ဆေးရရန်ချန်ထားရမည်မ ဟုတ်ဟု ကမ္ဘာ့ကျန်းမာရေးအဖွဲ့(WHO)အကြီးအကဲကသတိပေးသည်။

အောင်မြင်သောကာကွယ်ဆေးများကို မျှတစွာဝေမျှရမည်ဖြစ်ကြောင်းနှင့် ဝေမျှရန်အစီအစဉ်ကို ငွေကြေး ထောက်ပံ့ရန် ဒေါ်လာသန်း ၄၃၀၀ လိုအပ်ကြောင်း ဒေါက်တာ တက်ဒရို့စ် အက်ဟာနွန် ဂီဘရီရီး ဆက်စ်ကပြောသည်။

လက်ရှိအချိန်တွင် ကိုရိုနာဗိုင်းရပ်စ်ကာကွယ်ဆေး ၄ မျိုး၏နောက်ဆုံးအဆင့်စမ်းသပ်မှုရလဒ်များတွင် ရလဒ်ကောင်းများထွက်နေသည်။

ပြီးခဲ့သည့်တပတ်တွင် ၉၅ ရာခိုင်နှုန်းအထိအစွမ်းထက်သော ဖီဇာနှင့်ဘိုင်အိုအန်တက်ခ်ကုမ္ပဏီများ၏ဆေးနှင့် မိုဒါးနားကုမ္ပဏီ၏ဆေး ရလဒ်များကြေညာခဲ့ပြီး တနင်္လာနေ့တွင် အောက်စဖို့တက္ကသိုလ်နှင့် အက်စထရာဇီနီကာ ဆေးကုမ္ပဏီတို့၏ ၉၀ ရာခိုင်နှုန်းအထိအစွမ်းထက်နိုင်သောကာကွယ်ဆေးရလဒ်ကိုကြေညာခဲ့သည်။

အောက်စဖို့ဆေးသည် ပိုစျေးသက်သာပြီး အပူချိန်လိုအပ်ချက်ပိုနည်းသဖြင့် ယခင်ဆေး ၂ မျိုးထက် ဖွံ့ဖြိုးဆဲနိုင်ငံများထံရောက်နိုင်ချေပိုများသည်။

ရုရှားနိုင်ငံကထုတ်လုပ်နေသည့် စပွတ်ညစ်-၅ ကာကွယ်ဆေးသည်လည်း နောက်ဆုံးအဆင့် ၃ စမ်းသပ်ချက်များတွင် အစောပိုင်းရလဒ်များကောင်းနေသည်။