ကော့ကရိတ်မြို့အတွင်းသို့ KKO(ခွဲထွက်)အဖွဲ့နှင့် PDF အဖွဲ့တို့မှ လက်နက်ကြီးကျည်ဖြင့်ပစ်ခတ်ရာ ပြည်သူ (၈) ဦး ဒဏ်ရာရရှိ
PUBLISHED - July 20, 2023
နေပြည်တော်၊ ဇူလိုင် ၂၀
ကရင်ပြည်နယ်၊ ကော့ကရိတ်ခရိုင်၊ ကော့ကရိတ်မြို့အတွင်းသို့ KKO(ခွဲထွက်)အဖွဲ့နှင့် PDF အဖွဲ့တို့မှ လက် နက်ကြီးကျည်ဖြင့် ပစ်ခတ်ရာ ပြည်သူ (၈) ဦး ဒဏ်ရာရရှိခဲ့ကြောင်း သိရသည်။
ဇူလိုင်လ ၁၉ ရက် နံနက် ၇:၃၀ အချိန်တွင် KKO(ခွဲထွက်) အဖွဲ့နှင့် PDF အဖွဲ့တို့မှ ၆၀ မမ ဗုံးသီး ၃ လုံးဖြင့် ကော့ကရိတ်မြို့သို့ ပစ်ခတ်ရာ ဗုံးသီး (၁) လုံးမှာ အမှတ်(၇) ရပ်ကွက်၊ ပဒုမ္မာလမ်းတွင် ကျရောက်ပေါက်ကွဲပြီး၊ အမှတ်(၂)ရပ်ကွက်၊ မြို့တော်ဦးရပ်တွင်ဗုံး (၁) လုံးပေါက်ကွဲ၍ ကျန် ဗုံး(၁) လုံးမှာ ခရိုင်ပြည်သူ့ဆေးရုံရှေ့တွင် ပေါက်ကွဲမှုမရှိကြောင်း သိရသည်။
ထိုကျရောက်ပေါက်ကွဲမှုကြောင့် အသက် (၁၅) နှစ်အရွယ် စောဉာဏ်လင်းမှာ ဘယ်လက်မောင်းဖောက်ဝင် ဒဏ်ရာ ၁ ချက်၊ အသက်(၃၀) နှစ်အရွယ် ဦးဝင်းလှိုင်မှာ ညာဘက် ပေါင်ဖောက်ဝင်ဒဏ်ရာ ၁ ချက်၊ အသက် (၃၀) နှစ်အရွယ် ဒေါ်အေးသန္တာလှိုင် ညာဘက်ပေါင်ဖောက်ဝင် ဒဏ်ရာ ၁ ချက်၊ အသက်(၃၃) နှစ်အရွယ် ဒေါ်သန်းသန်းအေး ဦးခေါင်းငယ်ထိပ်ရှပ်ဒဏ်ရာ ၁ ချက်၊ အသက်(၄၀) နှစ်အရွယ် ဦးသိန်းဝင်း ညာခြေသန်း ကြွယ်ထိမှန်ဒဏ်ရာ ၁ ချက် နှင့် အသက်(၅၃) နှစ်အရွယ် ဦးရူပါ ဘယ်ဘက်ခါး စောင်း ဖောက်ဝင်ဒဏ်ရာ ၁ ချက်တို့ ရရှိခဲ့ပြီး လက်ရှိအချိန်တွင် ဆေးကုသမှုခံယူနေကြောင်း သိရသည်။
Photo – Credit
#PeopleMedia