ကော်သူးလေအာမီအဖွဲ့မှ ဒရုန်းဖြင့် ပစ်ချတိုက်ခိုက်ရာ အမျိုးသားတစ်ဦး ဗုံးစထိမှန်၍ ဒဏ်ရာရရှိ
PUBLISHED - September 22, 2023
နေပြည်တော်၊ စက်တင်ဘာ ၂၂
ကရင်ပြည်နယ်၊ ကော့ကရိတ်ခရိုင်၊ ကော့ကရိတ်မြို့၊ (KTLA) ကော်သူးလေအာမီအဖွဲ့မှ ဒရုန်းဖြင့်ပစ်ခတ်ရာ အမှတ်(၂) ရပ်ကွက်တွင် နေထိုင်သည့် ဦးမောင်မောင်၏ နေအိမ်သို့ကျရောက်ပေါက်ကွဲပြီး ထိုအမျိုးသားမှာ ၎င်း၏နေအိမ်အရှေ့တွင် လှမ်းထားသည့် ကွမ်းသီးများအား ထွက်ကြည့်စဉ် မိုင်းစထိမှန်၍ ဒဏ်ရာရရှိခဲ့ကြောင်း သိရသည်။
စက်တင်ဘာလ ၂၀ ရက် ညနေ ၆ နာရီခန့်တွင် ကော့ကရိတ်မြို့ရှိ ခရိုင်ပြည်သူ့ဆေးရုံကြီးတွင် ဗုံးစထိမှန်၍ ဒဏ်ရာရရှိသည့် အမျိုးသားတစ်ဦး ဆေးကုသကြောင်း သတင်းရရှိသောကြောင့် တာဝန်ရှိသူများမှ သွား ရောက်ခဲ့ကြောင်း သိရသည်။
ထိုဗုံးစထိမှန်၍ ဒဏ်ရာရရှိသည့် အသက်(၃၇) နှစ်အရွယ် ဦးမောင်မောင်မှာ ညာဘက်ခြေသလုံးတွင် ဒဏ်ရာ ရရှိခဲ့ကြောင်း သိရသည်။
Photo – Credit
#PeopleMedia