ကျိုက်ထိုမြို့နယ်တွင် တပ်မတော်နှင့် KNU/PDF တို့တိုက်ပွဲဖြစ်ပွား၊ အကြမ်းဖက်များထံမှ အလောင်း ၂ လောင်းနှင့် လက်နက်ခဲယမ်းများ သိမ်းဆည်းရရှိ
PUBLISHED - June 21, 2024
နေပြည်တော်၊ ဇွန် ၂၁
မွန်ပြည်နယ်၊ ကျိုက်ထိုမြို့နယ်၊ ပိန္နဲကုန်းရွာအနီးတွင် ယမန်နေ့ မွန်းလွဲ ၁၂ နာရီကျော် အချိန်က တပ်မတော်နှင့် KNU/PDF များ တိုက်ပွဲဖြစ်ပွားခဲ့ပြီး အလောင်း ၂ လောင်းနှင့် လက်နက်ခဲယမ်းများ သိမ်းဆည်းရမိခဲ့ကြောင်း သိရသည်။
ဖြစ်စဉ်မှာ ကျိုက်ထိုမြို့နယ်၊ ပိန္နဲကုန်းရွာအနီးတွင် လုံခြုံရေးအဖွဲ့ဝင်များမှ နယ်မြေရှင်းလင်းရေးလုပ်ငန်းများ ဆောင်ရွက်စဉ် KNU တပ်မဟာ(၁) လက်အောက်ခံ KNU/PDF များနှင့် ထိတွေ့ တိုက်ပွဲဖြစ်ပွားခဲ့ကြောင်း၊ တိုက်ပွဲဖြစ်ပွားပြီးနောက် KNU/PDF များ အထိနာပြီး ထွက်ပြေးသွားခဲ့ကြောင်း သိရသည်။
ထိတွေ့မှုဖြစ်စဉ်မှ အကြမ်းဖက်သမား အလောင်း ၂ လောင်း၊ M-16 ပုံပြောင်း M-4 carbine ၁ လက် ၊ M-4 အမျိုးစား သေနတ် ၁ လက်၊ ကျည်အိမ် ၄ ခုနှင့် ကျည် ၄၀ တောင့်တို့ကို သိမ်းဆည်းရမိခဲ့ကြောင်း သိရသည်။
Photo – Credit
#PeopleMedia