ကျိုက်မရောမြို့တွင် ကျောင်းသူတစ်ဦးနှင့် ဖခင်တို့ကို PDF များမှ သေနတ်ဖြင့်ပစ်
PUBLISHED - February 7, 2024
နေပြည်တော်၊ ဖေဖော်ဝါရီ ၇
မွန်ပြည်နယ်၊ မော်လမြိုင်ခရိုင်၊ ကျိုက်မရောမြို့၊ ကျွန်းလှကျေးရွာတွင် ကျောင်းသူတစ်ဦးနှင့်ဖခင်ဖြစ်သူတို့ကို နေအိမ်၌ PDF များမှ သေနတ်ဖြင့် လာရောက်ပစ်ခတ်သွားကြောင်း သိရသည်။
ဖေဖော်ဝါရီလ ၆ ရက် ည ၇ နာရီကျော်တွင် ကျွန်းလှကျေးရွာတွင် နေထိုင်သည့် ဦးထွန်းဦး၏ နေအိမ်သို့ PDF များရောက်ရှိလာပြီး ထိုအမျိုးသားနှင့် ၎င်း၏သမီးဖြစ်သူတို့ကို သေနတ်ဖြင့်ပစ်ခတ်သွားကြောင်း သိရသည်။
သေနတ်ပစ်ခံရမူကြောင့် ဒဏ်ရာရရှိသည့် အသက်(၅၇)နှစ်အရွယ် ဦးထွန်းဦးမှာ ဝမ်းဗိုက်/ဘယ်ဘက်လက်ဖျံ ကျည်ဖောက်ဝင်ဒဏ်ရာ (၂) ချက်၊ ဘယ်ဘက်ရင်အုံဘေးတွင် ကျည်ထိဒဏ်ရာ(၁) ချက် (မစိုးရိမ်ရ)၊ ၎င်း၏ သမီးဖြစ်သူ အသက်(၁၆)နှစ်အရွယ် မဇင်နန်းဝေ (Grade-11၊ အထက-ကျွန်းရွာ) ဘယ်ဘက်ခြေဖဝါး ကျည်ထိ ဒဏ်ရာ (မစိုးရိမ်ရ) ကြောင်း ၎င်းတို့ကို ဒေသခံလူမှုကူညီရေးအသင်းမော်တော်ယာဉ်ဖြင့် ကျိုက်မရော မြို့နယ် ပြည်သူ့ဆေးရုံတွင် ဆေးကုသနေကြောင်း သိရသည်။
Photo – Credit
#PeopleMedia