ကျိုင်းတုံမြို့တွင် ဆိုင်ကယ် ၁ စီးပေါ်မှ ငွေကျပ်သိန်း ၁၂၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ
PUBLISHED - September 11, 2023
နေပြည်တော်၊ စက်တင်ဘာ ၁၁
ကျိုင်းတုံမြို့တွင် ဆိုင်ကယ် ၁ စီးပေါ်မှ ငွေကျပ်သိန်း ၁၂၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီး ရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။
စက်တင်ဘာလ ၉ ရက်နေ့ မွန်းတည့် ၁၂ နာရီ ၃၀ အချိန် တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ ကျိုင်းတုံမြို့၊ ရပ်ကွက်(၃)တွင် ကာဗေလှ မောင်းနှင်ပြီး ကျာဂ လိုက်ပါ လာသည့် မော်တော်ဆိုင်ကယ်၊ ကျထော မောင်းနှင်လာသည့် မော်တော်ဆိုင်ကယ်နှင့် ကျာဟော် မောင်း နှင်လာသည့် မော်တော်ဆိုင်ကယ်တို့အား ရပ်တန့်စစ်ဆေးရှာဖွေရာ ဆိုင်ကယ်ခွကြားတွင် ၎င်းတို့ သယ်ဆောင် လာသော ဆာလာအိတ်များအတွင်းမှ စိတ်ကြွရူးသွပ်ဆေးပြား ၃၀၀၀၀၀ ပြား (ဒေသကာလပေါက်ဈေး တန်ဖိုး ငွေကျပ်သိန်း ၁၂၀၀)နှင့် လက်ကိုင်ဖုန်း ၄ လုံးတို့အား တွေ့ရှိသိမ်းဆည်းရမိခဲ့သဖြင့် ကာဗေလှ(၂၇)နှစ်၊ ကျာဂ (၄၈)နှစ်၊ ကျထော(၃၂)နှစ် နှင့် ကျာဟော်(၂၇)နှစ်တို့အား ကျိုင်းတုံမြို့မရဲစခန်းတွင် မူးယစ်ဆေးဝါးနှင့် စိတ်ကို ပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိ ကြောင်း သိရသည်။
#PeopleMedia