ကျိုင်းတုံမြို့နယ်တွင် ယာဉ်တစ်စီးပေါ်မှ စိတ်ကြွရူးသွပ်ဆေးပြားများနှင့် လက်နက်/ခဲယမ်းများ ဖမ်းဆီးရမိ
PUBLISHED - September 27, 2023
နေပြည်တော်၊ စက်တင်ဘာ ၂၇
ကျိုင်းတုံမြို့နယ်တွင် ယာဉ်တစ်စီးပေါ်မှ စိတ်ကြွရူးသွပ်ဆေးပြားများနှင့် လက်နက်/ခဲယမ်းများ ဖမ်းဆီးရမိခဲ့ ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။
စက်တင်ဘာလ ၂၆ ရက်နေ့ ညနေ ၅ နာရီ ၃၀ အချိန် တပ်ဖွဲ့ဝင်များပါဝင်သော ပူးပေါင်းအဖွဲ့သည် သက်သေ များနှင့်အတူ ကျိုင်းတုံမြို့နယ်၊ ဝမ်တောကျေးရွာအနီးတွင် မော်တော်ယာဉ်များအား စစ်ဆေးရှာဖွေစဉ် စိုင်း ဆမ်တစ် မောင်းနှင်ပြီး စိုင်းဆိုင်ဟောင် နှင့် စိုင်းရှဲန်လာ တို့လိုက်ပါလာသည့် TOYOTA CROWN အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် သိုဝှက်သယ်ဆောင်လာသော စိတ်ကြွရူးသွပ် ဆေးပြား ၄၀၀၀ ပြား(ဒေသကာလပေါက်ဈေးတန်ဖိုးငွေကျပ် ၂၈ သိန်း)၊ ပစ္စတိုသေနတ် ၁၂ လက်၊ ၎င်းကျည် အိမ် ၁၂ ခု၊ ခြောက်လုံးပြူးသေနတ် ၁ လက်၊ 12 ဗို့ကျည် ၁၀၀ တောင့်၊ 380 ACP ကျည် ၄၅၀ တောင့်နှင့် လက်ကိုင်ဖုန်း ၃ လုံးတို့အား တွေ့ရှိသိမ်းဆည်းရမိခဲ့ကြောင်း သိရသည်။
သို့ဖြစ်၍ စိုင်းဆမ်တစ် (၃၁) နှစ်၊ စိုင်းဆိုင်ဟောင် (၃၃) နှစ်နှင့် စိုင်းရှဲန်လာ (၂၃) နှစ်တို့အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော် ထုတ်လျက်ရှိကြောင်း သိရသည်။
#PeopleMedia