ကြာအင်းဆိပ်ကြီးနှင့် မိုးကောင်းတို့တွင် မိုးသည်းထန်စွာရွာသွန်းမှုကြောင့် နေအိမ်များအတွင်း ရေဝင်ရောက်မှု ဖြစ်ပွား
PUBLISHED - July 31, 2023
နေပြည်တော်၊ ဇူလိုင် ၃၁
ကရင်ပြည်နယ်၊ ကြာအင်းဆိပ်ကြီးမြို့နယ်နှင့် မိုးကောင်းမြို့တို့တွင် ယနေ့ နံနက်ပိုင်းက မိုးသည်းထန်စွာ ရွာသွန်းမှုကြောင့် နေအိမ်များအတွင်း ရေဝင်ရောက်မှုဖြစ်ပွားကြောင်း သိရသည်။
ဇူလိုင် ၃၁ ရက်နေ့ နံနက် ၈ နာရီအချိန်ခန့်၊ ကြာအင်းဆိပ်ကြီးမြို့နယ်တွင် မိုးသည်းထန်စွာရွာသွန်းမှုကြောင့် အမှတ်(၆) ရပ်ကွက်၊ မြေနိမ့်ပိုင်းနေရာများရှိ နေအိမ်များအတွင်း ရေဝင်ရောက်မှုဖြစ်ပွားပြီး၊ နံနက် ၉ နာရီ အချိန်က မိုးကောင်းမြို့၊ မြို့ဦးရပ်ကွက်တွင် မိုးသည်းထန်စွာရွာသွန်းပြီး နန့်ရင်းချောင်းရေကြီးမှုကြောင့် မြေနိမ့်ပိုင်းနေအိမ်များသို့ ရေဝင်ရောက်လျက်ရှိကြောင်း သိရသည်။
အဆိုပါ နေအိမ်များသို့ မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များမှ သက်ဆိုင်ရာအဖွဲ့အစည်းများနှင့် ပူးပေါင်း၍ ရေဘေးလွတ်ရာသို့ ကူညီပြောင်းရွှေ့ပေးခဲ့ပြီး၊ သောက်သုံးရေများလည်း ဖြန့်ဝေပေးခဲ့ကြောင်း သိရသည်။
#PeopleMedia