ကြာအင်းဆိပ်ကြီးမြို့တွင် နေအိမ်အတွင်းသို့ PDF များ ဝင်ရောက်ပစ်ခတ်ရာ အသက် (၆၈) နှစ်အမျိုးသား တစ်ဦး သေဆုံးပြီး၊ အမျိုးသမီးတစ်ဦးဒဏ်ရာရ
PUBLISHED - December 8, 2023
နေပြည်တော်၊ ဒီဇင်ဘာ ၈
ကရင်ပြည်နယ်၊ ကြာအင်းဆိပ်ကြီးခရိုင်၊ ကြာအင်းဆိပ်ကြီးမြို့၊ ကံ့ကော်လမ်းသွယ် (၃) လမ်းရှိ နေအိမ်တစ်လုံး သို့ PDF များဝင်ရောက်ပစ်ခတ်ရာ အသက် (၆၈) နှစ်အမျိုးသားတစ်ဦးသေဆုံးပြီး၊ ၎င်း၏ဇနီးဖြစ်သူ အမျိုးသမီး တစ်ဦးဒဏ်ရာရရှိကြောင်း သိရသည်။
ဒီဇင်ဘာလ ၅ ရက် နံနက် ၉ နာရီကျော်တွင် PDF များမှ ဦးမြတ်ကျော်၏နေအိမ်အတွင်းသို့ ဝင်ရောက်လာပြီး နေအိမ်အတွင်းရှိနေသည့် ဦးမြတ်ကျော်နှင့် ၎င်း၏ဇနီးဖြစ်သူတို့ကို သေနတ်ဖြင့် ပစ်ခတ်သွားကြောင်း သိရ သည်။
သေနတ်ပစ်ခတ်ခံရမှုကြောင့် သေဆုံးသွားသည့် အသက်(၆၈) နှစ်အရွယ် ဦးမြတ်ကျော်မှာ ညာဘက်လက် မောင်းတွင် ကျည်ဖောက်ဝင်ဒဏ်ရာ ၁ ချက်၊ ရင်ညွှန့်အောက်ကျည်ဖောက်ဝင်ဒဏ်ရာ ၁ ချက်၊ မေးစေ့ကျည် ဖောက်ဝင်ဒဏ်ရာ ၁ ချက်တို့ရရှိပြီး သေဆုံးသွားကြောင်း၊ ၎င်း၏ဇနီးဖြစ်သူ အသက်(၅၂) နှစ်အရွယ် ဒေါ်အေးမြင့်၏ ညာဘက်ပေါင်၌ ကျည်ရှပ်ဝင်ဒဏ်ရာ (၁) ချက်တို့ရရှိပြီး ဒဏ်ရာရရှိခဲ့ကြောင်း သိရသည်။
Photo – Credit
#PeopleMedia