ခင်ဦးမြို့ရှိ စာသင်ကျောင်းထဲတွင် PDF များ၏ လက်နက်ခဲယမ်းများ သိမ်းဆည်းရမိ
PUBLISHED - September 1, 2023
နေပြည်တော်၊ စက်တင်ဘာ ၁
စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့၊ လောင်းရှည်ကျေးရွာရှိ စာသင်ကျောင်းထဲတွင် PDF များ၏ လက်နက်ခဲယမ်းများကို သိမ်းဆည်းရရှိခဲ့ကြောင်း သိရသည်။
ဩဂုတ်လ ၃၁ ရက် ညနေ ၄ နာရီချိန်ခန့်တွင် လုံခြုံရေးတပ်ဖွဲ့မှ လောင်းရှည်ကျေးရွာရှိ စာသင်ကျောင်းထဲတွင် ဝင်ရောက်ရှင်းလင်းရာတွင် PDF များ၏ လက်နက်ခဲယမ်းများကို သိမ်းဆည်းရရှိခဲ့ကြောင်း သိရသည်။
ထိုသိမ်းဆည်းရရှိသည်များမှာ လက်လုပ်သေနတ် ၁၆ လက်၊ လက်လုပ်စိန်ပြောင်း ၃ လက်၊ လက်လုပ်စိန် ပြောင်းဗုံးသီး ၃၂ လုံး၊ လက်လုပ်ရှော့တိုက်ဒုံးသီး ၄ လုံး၊ ယမ်းမဲ(၁၀ပိဿာခန့်) ၁ ထုပ်၊ ယမ်းကြိုး ၁ ခွေနှင့် ပြောက်ကျားဦးထုပ် ၃ လုံးတို့ သိမ်းဆည်းရရှိခဲ့ကြောင်း သိရသည်။
Photo – Credit
#PeopleMedia