ခရိုင်းမီးယားကျွန်းဆွယ်က အဓိကတံတားတွေကို Storm Shadow ဒုံးကျည်တွေအသုံးပြုပြီး ယူကရိန်း တိုက်ခိုက်

PUBLISHED - August 7, 2023

နိုင်ငံတကာ၊ သြဂုတ် ၇

 

ရုရှားသိမ်းပိုက်ထားတဲ့ ခရိုင်းမီးယားကျွန်းဆွယ်နဲ့ ဆက်စပ်နေတဲ့ အဓိကတံတားတွေကို ယူကရိန်းဘက်က ဗြိတိန်ကထောက်ပံ့ထားတဲ့ Storm Shadow (မုန်တိုင်းအရိပ်) ဒုံးကျည်တွေအသုံးပြုပြီး တိုက်ခိုက်ခဲ့ကြောင်း သိရပါတယ်။

 

ခရိုင်းမီးယားဘက်ကနေ ခါဆွန်ဒေသဘက်ကို သွားတဲ့လမ်းကြောင်းပေါ်မှာ ခင်းထားတဲ့ ချွန်ဂါတံတားကို ဗြိတိန် ကထောက်ပံ့ထားတဲ့ Storm Shadow (မုန်တိုင်းအရိပ်) ဒုံးကျည်တွေအသုံးပြုပြီး ယူကရိန်းဘက်ကတိုက်ခိုက်ခဲ့ ကြောင်း ရုရှားဘက်ကခန့်ထားတဲ့ ခရိုင်းမီးယားအကြီးအကဲ ဆာဂျီအက်စ်ဆိုးနော့ဗ်က ပြောပါတယ်။

 

“ရန်သူ့ဘက်က ချွန်ဂါတံတားအနီးတစ်ဝိုက်ကို ဒုံးကျည်တွေနဲ့ တိုက်ခိုက်ခဲ့ပါတယ်။ ဒုံးကျည်တချို့ကို ပစ်ချနိုင်ခဲ့ ပေမဲ့ ဒုံးကျည်တစ်စင်းကတော့ တံတားကို ထိမှန်ခဲ့ပါတယ်။ အခုလက်ရှိ အဲဒီတံတားကို ပြန်လည်ပြင်ဆင်နေပါ ပြီ။” လို့ မစ္စတာအက်စ်ဆိုးနော့ဗ်က ပြောပါတယ်။

 

ရုရှားစစ်တပ်ဟာ ခါဆွန်ဒေသနဲ့ ဇာပိုရီဇီးယားဒေသက ရှေ့တန်းတပ်တွေကို ခဲယမ်း/ရိက္ခာဖြည့်တင်းဖို့အတွက် ခရိုင်းမီးယားမှာရှိတဲ့ အဲဒီလမ်းကြောင်းကို အသုံးပြုနေတာဖြစ်ပါတယ်။ ဒါ့ကြောင့် ဒီလမ်းကြောင်းဟာ ယူကရိန်း တပ်တွေအတွက် ဦးစားပေးပစ်မှတ်တစ်ခုဖြစ်တယ်လို့ ဆိုပါတယ်။

 

တံတားပေါ်မှာ ဒုံးကျည်ကျရောက်ပေါက်ကွဲထားတဲ့ ချိုင့်ကြီးတစ်ခုပုံနဲ့ နောက်ထပ် အနီးအနားက တံတားတစ် စင်းမှာကျရောက်ပေါက်ကွဲခဲ့တဲ့ ချိုင့်ငယ်တစ်ခုပုံကို ခါဆွန်ဒေသက ရုရှားဘက်ကခန့်အပ်ထားတဲ့ အုပ်ချုပ်ရေး မှူး ဗလာဒီမာဆယ်လ်ဒိုက လူမှုကွန်ရက်ပေါ်မှာတင်ထားပါတယ်။

 

ယူကရိန်းဘက်က တိုက်ခိုက်မှုကြောင့် တံတားနှစ်စင်း ထိမှန်ခဲ့ကြောင်း အဲဒီတိုက်ခိုက်မှုနဲ့ပတ်သက်ပြီး ယူက ရိန်းစစ်ဘက်က အတည်ပြုပြောကြားပါတယ်။

 

ရုရှားဘက်က ယူကရိန်းကို ဒုံးကျည်တွေနဲ့ ပစ်ခတ်တိုက်ခိုက်ခဲ့သလို ယူကရိန်းဘက်ကလည်း မော်စကိုကို ဒရုန်းနဲ့သွားရောက်တိုက်ခိုက်ခဲ့ပြီး နှစ်ဖက်တင်းမာနေတဲ့အချိန်မှာ အခုလို ခရိုင်းမီးယားဒေသက တံတားတိုက် ခိုက်မှုဖြစ်ပွားလာခဲ့တာဖြစ်ပါတယ်။

 

ရုရှားဒုံးကျည်တွေကို ယူကရိန်းဘက်က ကြားဖြတ်ပစ်ချခဲ့ပေမဲ့ တချို့ဒုံးကျည်တွေဟာ အရှေ့ဘက်စစ်မျက်နှာ ရဲ့မြောက်ပိုင်းမှာရှိတဲ့ သွေးသွင်းဌာနတစ်ခုနဲ့ ဇာပိုရီဇီးယားမှာရှိတဲ့ လေယာဉ်/ရဟတ်ယာဉ် အင်ဂျင်တွေထုတ် လုပ်နေတဲ့ စက်ရုံတစ်ရုံကို ထိမှန်ခဲ့တယ်လို့ ယူကရိန်းလေတပ်က ပြောပါတယ်။

 

Ref: Ukraine strikes key Crimea bridges with Storm Shadow missiles

 

#PeopleMedia