ခေတ်သစ်ပြည်သူ့ပါတီနှင့် လေဘာပါတီတို့ကို နိုင်ငံရေးပါတီအဖြစ်မှတ်ပုံတင်ခွင့်ပြု
PUBLISHED - November 21, 2023
နေပြည်တော်၊ နိုဝင်ဘာ ၂၁
ခေတ်သစ်ပြည်သူ့ပါတီ(Modern People Party) နှင့် လေဘာပါတီ (Labour Party)တို့ကို နိုင်ငံရေးပါတီအဖြစ် မှတ်ပုံတင်ခွင့်ပြုလိုက်ကြောင်း ပြည်ထောင်စုရွေးကောက်ပွဲကော်မရှင်မှ ကြေညာသည်။
ရန်ကုန်တိုင်းဒေသကြီး၊ ကမာရွတ်မြို့နယ်၊ ၅ ရပ်ကွက်၊ အောင်သုခလမ်း၊ တိုက် (၁၀၀၊ ၁၀၁)၊ အခန်း (၁၀၁) တွင် ပါတီရုံးချုပ်ဖွင့်လှစ်ထားရှိသော ခေတ်သစ်ပြည်သူ့ပါတီ (Modern People Party)ကို ၂၀၂၃ ခုနှစ် နိုဝင် ဘာလ ၂၀ ရက်နေ့မှစ၍ နိုင်ငံရေးပါတီများ မှတ်ပုံတင်ခြင်း ဥပဒေပုဒ်မ ၉ နှင့်အညီ မှတ်ပုံတင်ခွင့်ပြုကြောင်း ကြေညာထားသည်။
ခေတ်သစ်ပြည်သူ့ပါတီ (Modern People Party) ၏ မှတ်ပုံတင်အမှတ်မှာ (၄၁) ဖြစ်ကြောင်း သိရသည်။
ရန်ကုန်တိုင်းဒေသကြီး ကျောက်တံတားမြို့နယ် (၁)ရပ်ကွက်၊ မဟာဗန္ဓုလပန်းခြံလမ်းနှင့် ဘဏ်လမ်းထောင့်၊ အမှတ် (၃၃၊ ၄၉)တွင် ပါတီရုံးချုပ် ဖွင့်လှစ်ထားရှိသော လေဘာပါတီ (Labour Party)ကို ၂၀၂၃ ခုနှစ် နိုဝင် ဘာလ ၂၀ ရက်နေ့မှစ၍ နိုင်ငံရေးပါတီများ မှတ်ပုံတင်ခြင်း ဥပဒေပုဒ်မ ၉ နှင့်အညီ မှတ်ပုံတင်ခွင့်ပြုကြောင်း ကြေညာထားသည်။
လေဘာပါတီ (Labour Party) ၏ မှတ်ပုံတင်အမှတ်မှာ (၄၂) ဖြစ်ကြောင်း သိရသည်။
#PeopleMedia