ချမ်းမြသာစည်မြို့နယ်တွင် လမ်းဘေးဈေးဆိုင်ပေါ်သို့ သစ်ပင်လဲကျပြီး လူ ၃ ဦး ထိခိုက်ဒဏ်ရာရရှိ
PUBLISHED - September 12, 2023
နေပြည်တော်၊ စက်တင်ဘာ ၁၂
မန္တလေးတိုင်းဒေသကြီး၊ ချမ်းမြသာစည်မြို့နယ်၊ သံလျှက်မှော်တောင်ရပ်ကွက်၊ ဧရာထွန်းလမ်းမကြီးပေါ်တွင် လမ်းဘေးဈေးဆိုင်ပေါ်သို့ သစ်ပင် လဲကျပြီး လူ ၃ ဦး ထိခိုက်ဒဏ်ရာရရှိခဲ့ကြောင်း သိရသည်။
စက်တင်ဘာ ၁၁ ရက်နေ့၊ ည ၁၀ နာရီ ၄၅ မိနစ်အချိန်ခန့်၊ ချမ်းမြသာစည်မြို့နယ်၊ သံလျှက်မှော်တောင် ရပ်ကွက်၊ ဧရာထွန်းလမ်းမကြီးပေါ်တွင် လမ်းဘေးဈေးဆိုင်ပေါ်သို့ သစ်ပင်လဲကျမှုဖြစ်ပွားကြောင်း သတင်း ရရှိသဖြင့် ချမ်းမြသာစည်မြို့နယ်မီးသတ်စခန်းမှ မီးသတ်ယာဉ် (၁) စီး၊ သန္ဓေမီးသတ်တပ်ဖွဲ့ဝင်များ၊ သံလျှက် မှော်တောင်အရန်မီးသတ်စခန်းမှ မီးသတ်ယာဉ် (၁)စီး၊ အရန်မီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေး လုပ်ငန်းများဆောင်ရွက်ခဲ့ရာ စက်တင်ဘာလ ၁၂ ရက်နေ့၊ နံနက် ၁၂ နာရီ ၃၅ မိနစ်အချိန် ပြီးစီးခဲ့ကြောင်း သိ ရသည်။
အဆိုပါဖြစ်စဉ်ကြောင့် ကျား(၂)ဦး၊ ထိခိုက်ဒဏ်ရာ(မစိုးရိမ်ရ)၊ မ (၁)ဦး၊ ထိခိုက်ဒဏ်ရာ(မစိုးရိမ်ရ)တို့အား သံ/တောင် လူမှုကူညီရေးအသင်း လူနာတင်ယာဉ်ဖြင့် မန္တလေးပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
#PeopleMedia