ဂန္တဝင်မြန်မာတေးသံရှင် ဒေါ်မာမာအေး ကွယ်လွန်
PUBLISHED - January 9, 2024
နေပြည်တော်၊ ဇန်နဝါရီ ၉
ဂန္တဝင် မြန်မာတေးသံရှင် ဒေါ်မာမာအေးသည် ယနေ့ နံနက် ၅ နာရီ ၅၈ မိနစ်အချိန်က အမေရိကန်ပြည် ထောင်စု၊ အင်ဒီယားနားပြည်နယ်၊ ဖို့ဒ်ဝိန်းမြို့ နေအိမ်၌ ကွယ်လွန်သွားကြောင်း သိရသည်။
ဒေါ်မာမာအေးကို ၁၉၄၂ ခုနှစ် ဇူလိုင်လ ၂၆ ရက်နေ့တွင် မွေးဖွားခဲ့ပြီး၊ ကွယ်လွန်ချိန်တွင် အသက် ၈၁ နှစ် အရွယ်ရှိပြီဖြစ်ကြောင်းနှင့် ၁၉၅၈ ခုနှစ်တွင် တေးညွန့်မင်္ဂလာ သီချင်းနှင့် စတင်ဓါတ်ပြား သွင်းခဲ့ကြောင်း သိရသည်။
တေးသံရှင် ဒေါ်မာမာအေးသည် ဂီတသက်တမ်းတစ်လျှောက်တွင် ရေဒီယိုတေး၊ ရုပ်ရှင်တေးများစွာကို သီဆိုခဲ့ကြောင်း သိရသည်။
ဂန္တဝင် တေးသံရှင်ကြီး ဒေါ်မာမာအေး ကွယ်လွန်ကြောင်း ကြားသိရ၍ မြန်မာနိုင်ငံဂီတအစည်းအရုံးအနေဖြင့် အစားထိုးမရသော ဆုံးရှုံးမှုတစ်ရပ်အဖြစ် အထူးပင်နှမျောတသ စိတ်မကောင်းခြင်း ဝမ်းနည်းခြင်းများစွာ ဖြစ်ရကြောင်း မြန်မာနိုင်ငံဂီတအစည်းအရုံး(ဗဟို)မှ ထုတ်ပြန်ထားသည်။
#PeopleMedia