ငါန်းဇွန်မြို့နယ်၊ ကုလကျေးရွာအနီးတွင် အမည်မသိအမျိုးသားလေးဦး သေနတ်ဒဏ်ရာဖြင့် သေဆုံးနေ
PUBLISHED - August 12, 2024
နေပြည်တော်၊ သြဂုတ် ၁၂
မန္တလေးတိုင်းဒေသကြီး၊ ငါန်းဇွန်မြို့နယ်၊ ကုလကျေးရွာအနီး ငါန်းဇွန်-ငါန်းမြှာသွားကားလမ်းဘေး၌ အမည်မသိ အမျိုးသားလေးဦး သေနတ်ဒဏ်ရာများဖြင့် သေဆုံးနေခဲ့ကြောင်း သိရသည်။
ပြီးခဲ့သည့်ရက်ပိုင်းက သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါနေရာတွင် အကြမ်းဖက်အဖွဲ့(စိစစ်ဆဲ)က သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အသက်(၂၈)နှစ်ခန့်ရှိ အမျိုးသား တစ်ဦး(စိစစ်ဆဲ)၊ အသက်(၃၀)နှစ် ခန့်ရှိ အမျိုးသားတစ်ဦး(စိစစ်ဆဲ)၊ အသက်(၂၂)နှစ်ခန့်ရှိ အမျိုးသားတစ်ဦး (စိစစ်ဆဲ)နှင့် အသက် (၃၂)နှစ်ခန့်ရှိ အမျိုးသားတစ်ဦး(စိစစ်ဆဲ)တို့တွင် ကျည်ထိမှန်ဒဏ်ရာများဖြင့် သေဆုံးနေ သည်ကို တွေ့ရှိရသဖြင့် သေဆုံးသူများအား ငါန်းဇွန်မြို့နယ်ပြည်သူ့ဆေးရုံသို့ ပို့ဆောင်ထားရှိကြောင်း သိရ သည်။
#PeopleMedia