စစ်ကိုင်းမြို့တွင် ကျည်ထိဒဏ်ရာများဖြင့် သေဆုံးနေသည့် အမျိုးသားအလောင်း (၂) လောင်းတွေ့ရှိ
PUBLISHED - January 2, 2024
နေပြည်တော်၊ ဇန်နဝါရီ ၂
စစ်ကိုင်းတိုင်းဒေသကြီး၊ စစ်ကိုင်းခရိုင်၊ စစ်ကိုင်းမြို့၊ ကျောက်တာကျေးရွာရှိ လှည်းလမ်းဘေးတွင် ကျည်ထိ ဒဏ်ရာများဖြင့် သေဆုံးနေသည့် အမျိုးသားရုပ်အလောင်း (၂) လောင်း တွေ့ရှိကြောင်း သိရသည်။
ဇန်နဝါရီ ၁ ရက် နံနက်ခင်းအချိန်တွင် ကျည်ထိဒဏ်ရာများဖြင့် သေဆုံးနေသည့် ရုပ်အလောင်း (၂) လောင်း စစ်ကိုင်းပြည်သူ့ဆေးရုံသို့ ရောက်ရှိကြောင်း သတင်းရရှိသောကြောင့် ဖြစ်စဉ်နေရာသို့ လုံခြုံရေးတပ်ဖွဲ့မှ သွား ရောက်စစ်ဆေးခဲ့ကြောင်း သိရသည်။
ထိုကျည်ထိဒဏ်ရာများဖြင့် သေဆုံးနေသည့် အမျိုးသား(၂)ဦး၏ ခန္တကိုယ်တွင် အမျိုးသား ၁ ဦး (စိစစ်ဆဲ)တွင် ဦးခေါင်း ဘယ်ဘက်မှ ကျည်ဖောက်ဝင်/ ညာဘက်မှ ဖောက်ထွက်ဒဏ်ရာ ၂ ချက်၊ လည်ပင်းဘယ် ဘက်ကျည်ဖောက်ဝင် ဒဏ်ရာ ၂ ချက်၊ ဘယ်ဘက်လက်ဖျံ/ တံတောင်ကျည်ဖောက်ဝင်ဒဏ်ရာ ၂ ချက် တိုဖြင့်လည်းကောင်း၊ အသက် (၂၅)နှစ်ခန့်အရွယ် အမျိုးသား ၁ ဦး(စိစစ်ဆဲ) ၏ ဦးခေါင်းဘယ်ဘက် ကျည်ဖောက်ဝင်/ ညာဘက်နားထင် ကျည်ဖောက်ထွက်ဒဏ်ရာ ၂ ချက်တို့ရရှိကြောင်း သိရသည်။
Photo – Credit
#PeopleMedia