ဆားတောင်မြို့တွင် လက်နက်ကြီးကျည်ကျရောက်ပေါက်ကွဲမှုကြောင့် အသက် (၉ဝ) ကျော်အဖွားတစ်ဦး အပါအဝင် အမျိုးသမီး (၃) ဦး ဒဏ်ရာရ
PUBLISHED - October 4, 2023
နေပြည်တော်၊ အောက်တိုဘာ ၄
စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ ဆားတောင်မြို့တွင် PDF များမှ လက်နက်ကြီးကျည်ဖြင့် ပစ်ချ တိုက်ခိုက်မှုကြောင့် အသက် (၉ဝ) ကျော်အရွယ် အဖွားတစ်ဦးအပါအဝင် အမျိုးသမီး (၃) ဦးဒဏ်ရာရရှိ ကြောင်း သိရသည်။
အောက်တိုဘာလ ၁ ရက်နေ့တွင် PDF များမှ ဆားတောင်မြို့ရှိ နယ်မြေရဲစခန်းသို့ လက်နက်ကြီးကျည်ဖြင့် ပစ်ချတိုက်ခိုက်ရာမှ ထိုလက်နက်မှာ ရေကြည်ရပ်ကွက်ရှိ နေအိမ်ပေါ်သို့ ကျရောက်ပေါက်ကွဲခဲ့ကြောင်း သိရသည်။
ထိုကျရောက်ပေါက်ကွဲမှုကြောင့် အသက် (၉၀) ကျော်အရွယ်ရှိသည့် အဖွားဒေါ်အုံးခင်၊ ၎င်း၏သမီးဖြစ်သူ အသက် (၄၆) နှစ်အရွယ် မရွှေဖြစ်ပြီး ၎င်းမှာ ဒဏ်ရာပြင်းထန်ကြောင်း၊ ကျန်အမျိုးသမီးတစ်ဦးမှာ အသက် (၄၉) အရွယ် မမိုးတင်မှာ ဒဏ်ရာမစိုးရိမ်ရကြောင်း သိရသည်။
ထိုပစ်ခတ်သည့်အဖွဲ့မှာ ကြောင်လက်သည်းတပ်ဖွဲ့ဖြစ်ကြောင်း သိရသည်။
Photo – Credit
#PeopleMedia