ညောင်ဦးနှင့် ကျောက်ဆည်တွင် ကျေးရွာအုပ်ချုပ်ရေးမှူးတစ်ဦးနှင့် ဆယ်အိမ်မှူးတစ်ဦး ပစ်ခတ်ခံရ၍ သေဆုံး
PUBLISHED - August 12, 2024
နေပြည်တော်၊ သြဂုတ် ၁၂
မန္တလေးတိုင်းဒေသကြီး၊ ညောင်ဦးမြို့နယ်နှင့် ကျောက်ဆည်မြို့နယ်တို့တွင် ကျေးရွာအုပ်ချုပ်ရေးမှူးတစ်ဦးနှင့် ဆယ်အိမ်မှူးတစ်ဦး ပစ်ခတ်ခံရ၍ သေဆုံးခဲ့ကြောင်း သိရသည်။
ဖြစ်စဉ်မှာ သြဂုတ်လ ၉ ရက်နေ့ မွန်းလွဲပိုင်းတွင် ညောင်ဦးမြို့နယ်၊ ကုလားတဲကျေးရွာနေ ကျေးရွာအုပ်ချုပ် ရေးမှူဖြစ်သူ ဦးလှမြင့်ဦး(၅၄)နှစ်သည် ၎င်း၏ဇနီးဖြစ်သူ ဒေါ်အုန်းပွင့်နှင့်အတူ နေအိမ်၌ ရှိနေစဉ် PDF အမည်ခံ အကြမ်းဖက်သမားရှစ်ဦး(စိစစ်ဆဲ)က ဆိုင်ကယ်လေးစီးဖြင့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ် သွားခဲ့သဖြင့် ဦးလှမြင့်ဦးတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ပြီး ဒေါ်အုန်းပွင့်တွင် ဒဏ်ရာရရှိ ခြင်း မရှိကြောင်း သိရသည်။
အလားတူ ည ၇ နာရီခွဲတွင် ကျောက်ဆည်မြို့နယ်၊ သံချပ်ကုန်းကျေးရွာနေ ဆယ်အိမ်မှူးဖြစ်သူ ဦးဖား (၆၀)နှစ်သည် ၎င်း၏ နေအိမ်မှ ကျေးရွာအပြင်ဘက်ရှိ လယ်တောသို့ နွားကျောင်းရန် ထွက်ခွာလာစဉ် လယ်တောအနီး အရောက် PDF အမည်ခံ အကြမ်းဖက်အဖွဲ့ အင်အား(စိစစ်ဆဲ)က သေနတ်ဖြင့် ပစ်ခတ် သတ်ဖြတ် သွားခဲ့သဖြင့် ဦးဖားတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်း သိရသည်။
#PeopleMedia