တရော်ကိုင်းနှင့် ဇီးပြားကျေးရွာမှ ပေါက်မြို့ကို စာမေးပွဲလာဖြေတဲ့ ကျောင်းသား/ကျောင်းသူများ နေရပ်ပြန်ပို့ပေးရန် တောင်းဆို
PUBLISHED - August 27, 2024
နေပြည်တော်၊ ဩဂုတ် ၂၇
မကွေးတိုင်းဒေသကြီး၊ ပေါက်မြို့နယ်၊ တရော်ကိုင်းနှင့် ဇီးပြားကျေးရွာမှ ကျောင်းသူ/ကျောင်းသားများသည် ပေါက်မြို့ကို စာမေးပွဲလာရောက်ဖြေဆိုပြီး ပြန်လည်ပို့ဆောင်ခြင်းမရှိသေးသဖြင့် ပြန်လည်ပို့ဆောင်ပေးရန် ကျောင်းသား/ကျောင်းသူများက တောင်းဆိုနေကြသည်။
ပေါက်မြို့နယ် တရော်ကိုင်းနှင့် ဇီးပြားကျေးရွာမှ G 12 ကျောင်းသား/ကျောင်းသူများသည် ပေါက်မြို့သို့ စာမေးပွဲဖြေဆိုရန် ပြီးခဲ့သည့် ဖေဖော်ဝါရီလ (၁၁)ရက်က လာရောက်ခဲ့ပြီးနောက် လက်ရှိအချိန်ထိ ပြန်လည်ပို့ဆောင်ခြင်းမရှိသေးကြောင်း သိရသည်။
စာမေးပွဲလာရောက်ဖြေဆိုသည့် ကျောင်းသူ/ကျောင်းသား စုစုပေါင်း (၂၅)ဦးခန့်ရှိပြီး (၂၀)ဦးခန့်သည် စာမေးပွဲဖြေဆိုပြီးနောက် ကျေးရွာသို့ မပြန်ဘဲ အခြားမြို့များကို အလုပ်လုပ်ရန် ထွက်ခွါသွားကြကြောင်း သိရသည်။
လက်ရှိ ဇီးပြားနှင့် တရော်ကိုင်းကျေးရွာသို့ ပြန်ချင်သည့် ကျောင်းသား/ကျောင်းသူ (၄)ဦးနှင့် အုပ်ထိန်းသူ (၂)ဦး ရှိကြောင်းနှင့် ကျေးရွာတွင် ကျန်ခဲ့သည့် မိအိုဖအိုများကို ပြန်လည်စောင့်ရှောက်ချင်ကြသောကြောင့် ပြန်လိုခြင်းဖြစ်ကြောင်း သိရသည်။
#PeopleMedia