တာချီလိတ်မြို့တွင် သိန်း ၆၃၀၀ တန်ဖိုးရှိ ဘိန်းဖြူဘလောက်တုံး ၁၂၀ တုံး ဖမ်းဆီးရမိ
PUBLISHED - July 15, 2023
နေပြည်တော်၊ ဇူလိုင် ၁၅
ရှမ်းပြည်နယ်(အရှေ့ပိုင်း)၊ တာချီလိတ်မြို့တွင် ငွေကျပ်သိန်း ၆၃၀၀ တန်ဖိုးရှိ ဘိန်းဖြူဘလောက်တုံး ၁၂၀ တုံး၊ အလေးချိန် ၄၂ ကီလို ဖမ်းဆီးရမိခဲ့ကြောင်း သိရသည်။
လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့သည် ဇူလိုင်လ ၉ ရက်နေ့ ည ၈ နာရီအချိန် ရှမ်းပြည်နယ် (အရှေ့ပိုင်း)၊ တာချီလိတ်မြို့၊ ပါဆတ်ရပ်ကွက်ရှိ အိုက်ဖတ်(ခ)စိုင်းဖတ်၏ နေအိမ်ကို သတင်းအရရှာဖွေရာ မူးယစ်ဆေးဝါးများ သယ်ဆောင်ရောင်းဝယ်ရန် ရောက်ရှိနေသူများဖြစ်သည့် စိုင်းအွန်နှင့် အိုက်ကျိုင်းတို့အား ဒေသကာလ တန်ဖိုးငွေကျပ်သိန်း ၆၃၀၀ တန်ဖိုးရှိ ဘိန်းဖြူဘလောက်တုံး ၁၂၀ တုံး၊ အလေးချိန် ၄၂ ကီလိုနှင့် အတူ ဖမ်းဆီးရမိခဲ့သဖြင့် ၎င်းတို့အား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက် လက် စစ်ဆေးဖော်ထုတ်လျက်ရှိကြောင်း သိရသည်။
#PeopleMedia