တာချီလိတ်လေဆိပ်တွင် ရန်ကုန်သို့တင်ပို့မည့် စက္ကူဂျပ်ဖာအတွင်းမှ သိန်း ၅၈၅၀ တန်ဖိုးရှိ စိတ်ပြောင်းဆေးဝါး များ ဖမ်းဆီးရမိ
PUBLISHED - September 15, 2023
နေပြည်တော်၊ စက်တင်ဘာ ၁၅
ရှမ်းပြည်နယ်(အရှေ့ပိုင်း)၊ တာချီလိတ်လေဆိပ်တွင် ရန်ကုန်သို့တင်ပို့မည့် စက္ကူဂျပ်ဖာအတွင်းမှ ၅၈၅၀ တန်ဖိုး ရှိ စိတ်ပြောင်းဆေးဝါးများဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။
တပ်ဖွဲ့ဝင်များပါဝင်သော ပူးပေါင်းအဖွဲ့သည် စက်တင်ဘာလ ၇ ရက်နေ့ ညနေ ၄ နာရီခွဲအချိန် တာချီလိတ် လေဆိပ်တွင် ရန်ကုန်သို့တင်ပို့မည့် မဖြိုးကေသီကျော် သယ်ဆောင်လာသည့် စက္ကူဂျပ်ဖာကို ရှာဖွေစစ်ဆေးရာ ဒေသကာလတန်ဖိုးငွေကျပ်သိန်း ၅၈၅၀ တန်ဖိုးရှိ စိတ်ပြောင်းဆေးဝါး(Happy Water) ၇ ဒသမ ၈ ကီလို သိမ်း ဆည်းရမိခဲ့ကြောင်း၊ အလားတူ ယင်းနေ့ ညနေ ၅ နာရီအချိန် ပူးပေါင်းအဖွဲ့သည် သတင်းကွင်းဆက်အရ တာချီ လိတ်မြို့၊ ဝိန်းကျောက်ရပ်ကွက်တွင် မမူမူကြူ(ခ)နန်းလောင်ငင်၊ စိုင်းဝိလတ်၊ မမီညားတို့ ၃ ဦးအား Toyota Crown မော်တော်ယာဉ်တစ်စီး၊ မော်တော်ဆိုင်ကယ်တစ်စီးနှင့်အတူ ဒေသကာလတန်ဖိုးငွေကျပ်သိန်း ၉၃၀၀ ကျော်တန်ဖိုးရှိ စိတ်ပြောင်းဆေးဝါး(Happy Water) ၈ ဒသမ ၅၂ ကီလို သိမ်းဆည်းရမိခဲ့သဖြင့် ၎င်းတို့အား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်ဖော်ထုတ်လျက်ရှိကြောင်း သိရသည်။
#PeopleMedia