တောင်ကြီးမြို့ တန်ဆောင်တိုင်ပွဲတော်ကြီး ရိုးရာမီးပုံးပျံပြိုင်ပွဲကို စည်ကားသိုက်မြိုက်စွာ ကျင်းပနေ
PUBLISHED - November 12, 2024
နေပြည်တော်၊ နိုဝင်ဘာ ၁၂
တောင်ကြီးမြို့ တန်ဆောင်တိုင်ပွဲတော်ကြီး ရိုးရာမီးပုံးပျံပြိုင်ပွဲကို စည်ကားသိုက်မြိုက်စွာ ကျင်းပနေကြောင်း ရှမ်းပြည်နယ်တောင်ပိုင်း ရိုးရာမီးပုံးပျံပညာရှင်များအသင်းမှ သိရသည်။
ရိုးရာမီးပုံးပျံပြိုင်ပွဲကို နိုဝင်ဘာလ ၁၁ ရက်မှ နိုဝင်ဘာလ ၁၇ ရက်နေ့အထိ တောင်ကြီးမြို့ အဝေရာမီးပုံး ပျံကွင်းတွင် ကျင်းပမည်ဖြစ်ပြီး၊ ရိုးရာမီးပုံးပျံပြိုင်ပွဲ ဖွင့်ပွဲကို ယမန်နေ့တွင် ကျင်းပခဲ့ကြောင်း သိရသည်။
တောင်ကြီး တန်ဆောင်တိုင် မီးပုံးပျံပွဲတော်သည် ရှမ်းပြည်နယ် တောင်ကြီးမြို့တွင် နှစ်စဉ် တန်ဆောင်မုန်း လပြည့်နေ့ အနီးဝန်းကျင်၌ ကျင်းပသည့် ရိုးရာပွဲတော်တစ်ရပ်ဖြစ်ပြီး၊ မီးပုံပျံပွဲတော်တွင် နေ့မီးနှင့် ညမီးဟူ၍ နှစ်မျိုးခွဲကာ ပြိုင်ပွဲများ ကျင်းပလေ့ရှိကြောင်း သိရသည်။
#PeopleMedia