တောင်သမန်အင်းတွင် စက်လှေမောင်းသည့် အမျိုးသား လှေမှောက်၍ သေဆုံး
PUBLISHED - September 6, 2023
နေပြည်တော်၊ စက်တင်ဘာ ၆
မန္တလေးတိုင်းဒေသကြီး၊ အမရပူခရိုင်၊ အမရပူရမြို့၊ တောင်သမန်အင်းတွင် ငှက်လှေမောင်းသည့် အမျိုးသား တစ်ဦး လှေမှောက်၍ သေဆုံးသွားကြောင်း သိရသည်။
စက်တင်ဘာလ ၅ ရက် ညနေ ၅:၃၀ အချိန်တွင် ကမ်းစပ်မှ တံတားဘက်သို့ ခရီးသည်သွားရောက်ခေါ်စဉ် ရေလည်အရောက်တွင် လှေမှောက်ခဲ့ကြောင်း၊ ထိုလှေမှောက်ကြောင်းကို ၎င်း၏မိသားစုများမှ ဒေသခံ လူမှု ကူညီရေးအသင်းသို့ ဖုန်းဆတ်အကူညီတောင်းခဲ့ကြောင်း သိရသည်။
ထိုဖြစ်စဉ်နေရာသို့ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး) မှ Rescue Diver Team (Myanmar) ရေငုပ်ကယ်ဆယ်ရေးအဖွဲ့ ရောက်ရှိလာပြီး ဒေသခံငှက်လှေသမားများနှင့် ပူးပေါင်း၍ ရှာဖွေ ကယ်ဆယ်ရာတွင် ၄၈ မိနစ်အတွင်း သေဆုံးနေသည့် ရုပ်အလောင်းအားတွေ့ရှိခဲ့ကြောင်း သိရသည်။
Photo – Credit
#PeopleMedia