တောင်သာမြို့တွင် စစ်သွေးကြွ PDF က အမှိုက်ကောက်သည့် လူငယ်နှစ်ဦးအနက် တစ်ဦးကို လည်ပင်း၌ စို့ ရိုက်ပြီး သတ်ဖြတ်၊ တစ်ဦးကို ညှင်းပန်းနှိပ်စက်
PUBLISHED - August 21, 2024
နေပြည်တော်၊ ဩဂုတ် ၂၁
မန္တလေးတိုင်းဒေသကြီး၊ တောင်သာမြို့တွင် တောင်သာမြို့တွင် စစ်သွေးကြွ PDF အဖွဲ့ဝင်များက အမှိုက် ကောက်သည့် လူငယ်နှစ်ဦးအနက် တစ်ဦးကို လည်ပင်း၌ သစ်သားစို့ ရိုက်ပြီး သတ်ဖြတ်ကာ တစ်ဦးကို ညှင်းပန်းနှိပ်စက်သွားကြောင်း သိရသည်။
ဩဂုတ်လ (၁၉)ရက် နေ့ခင်း (၃)နာရီခွဲခန့်က တောင်သာမြို့ အမှတ် (၁)ရပ်ကွက်တွင် နေထိုင်သည့် လူငယ်နှစ်ဦးသည် ဘူးခွံများ လိုက်လံကောက်နေစဉ် စစ်သွေးကြွ PDF အဖွဲ့ဝင်များရောက်ရှိလာကာ အဆိုပါ လူငယ် နှစ်ဦးအား ရိုက်နှက်ခဲ့သည်။
ယင်းနောက်တွင် စစ်သွေးကြွ PDF အဖွဲ့ဝင်များသည် အမှိုက်ကောက်သည့် လူငယ်နှစ်ဦးအနက် တစ်ဦးကို သေနတ်ဖြင့် ပစ်ခတ်ခဲ့ပြီး မသေသောကြောင့် လည်ပင်းကို သစ်သားစို့ဖြင့် ရိုက်ကာ သတ်ဖြတ်ခဲ့သည်။
၎င်းနောက် စစ်သွေးကြွ PDF အဖွဲ့ဝင်များသည် ကျန်ရှိသည့် တစ်ဦးကို ဝိုင်းဝန်းထိုးကြိတ် ရိုက်နှက်ခဲ့သဖြင့် ဦးခေါင်းကွဲဒဏ်ရာများနှင့် လက်အရိုးကျိုး ဒဏ်ရာများ ရရှိခဲ့ကြောင်း သိရသည်။
#PeopleMedia