ထိုင်ဝမ်အနီးမှာ တရုတ်က အာဏာသိမ်းစစ်ရေးလေ့ကျင့်မှု ဒုတိယနေ့ကို စတင်
PUBLISHED - May 24, 2024
နိုင်ငံတကာ၊ မေ ၂၄
တရုတ်ပြည်သူ့လွတ်မြောက်ရေးတပ်မတော်ဟာ ထိုင်ဝမ်ကျွန်းတစ်ဝိုက်မှာ ကြာသပတေးနေ့က စတင်ခဲ့တဲ့ ကုန်းကြောင်း၊ ရေကြောင်းနဲ့ လေကြောင်း စစ်ရေးလေ့ကျင့်မှုတွေကို ဆက်လက်လုပ်ဆောင်နေပါတယ်။
Joint Sword-2024A လို့အမည်ပေးထားတဲ့ လေ့ကျင့်ခန်းရဲ့ ပထမဆုံးနေ့အဖြစ် ကြာသပတေးနေ့မှာ စတင်ခဲ့ပြီး ‘အာဏာသိမ်းခြင်း’ စွမ်းရည်ကို စမ်းသပ်တဲ့ စစ်ရေးလေ့ကျင့်မှုအဖြစ် တရုတ်က ပြောဆိုထား ပါတယ်။
ထိုင်ဝမ်သမ္မတသစ် လိုင်ချင်တီ ကျမ်းသစ္စာကျိန်ဆိုမှုအပြီးမှာ ထိုင်ဝမ်ဟာ “အချုပ်အခြာအာဏာပိုင်လွတ်လပ် သောနိုင်ငံတစ်နိုင်ငံဖြစ်တယ်” လို့ ပြောဆိုခဲ့ပြီး စစ်ရေးအရ ခြိမ်းခြောက်မှုကို ရပ်တန့်ဖို့ တောင်းဆိုခဲ့တဲ့အတွက် “ပြစ်ဒဏ်” ဖြစ်တယ်လို့ တရုတ်က ဆိုပါတယ်။
နှစ်ရက်ကြာ စစ်ရေးလေ့ကျင့်မှုဟာ “အာဏာကို ပူးတွဲသိမ်းပိုက်နိုင်မှု၊ ပူးတွဲတိုက်ခိုက်မှုနဲ့ အဓိကနယ်မြေတွေ ထိန်းချုပ်နိုင်မှု” ကို စမ်းသပ်နေတာဖြစ်တယ်လို့ ပြည်သူ့လွတ်မြောက်ရေးတပ်မတော် (PLA) အရှေ့ပိုင်းက ဇာတ်ရုံကွပ်ကဲမှုဌာနမှ ပြောရေးဆိုခွင့်ရှိသူ ဗိုလ်မှူးကြီး လီရှီက ပြောပါတယ်။
စစ်ရေးလေ့ကျင့်မှု စတင်နေချိန်မှာ ထိုင်ဝမ်က တရုတ်နိုင်ငံရဲ့ လှုပ်ရှားမှုတွေကို စောင့်ကြည့်ဖို့အတွက်လက် နက်ကိုင်တပ်ဖွဲ့တွေကို အမိန့်ပေးခဲ့ပြီး ကျွန်းကာကွယ်ရေးဝန်ကြီးဌာနက ကင်းလည့်နေတဲ့ F-16 တိုက်လေ ယာဉ် ဓာတ်ပုံတွေကိုထုတ်ပြန်ခဲ့ပါတယ်။
တရုတ်ဘက်ကလည်း “ပြန်လည်ပေါင်းစည်းခြင်းကို တွန်းလှန်ခြင်း” မပြုလုပ်ဖို့ သတိပေးခဲ့တယ်လို့ နိုင်ငံပိုင် ရုပ်သံ CCTV က ဖော်ပြခဲ့ပါတယ်။
Ref; aljazeera
#PeopleMedia