ထိုင်းနိုင်ငံမှာ ကျောင်းကားတစ်စီး မီးလောင်ပြီး ကျောင်းသားအများအပြား သေဆုံး/ဒဏ်ရာရ
PUBLISHED - October 1, 2024
နိုင်ငံတကာ၊ အောက်တိုဘာ ၁
ထိုင်းနိုင်ငံ၊ ဥူထိုင်းဌာနီပြည်နယ် ကျောင်းတစ်ကျောင်းက ကျောင်းကားတစ်စီး အင်္ဂါနေ့ (အောက်တိုဘာ ၁ရက် နေ့) က မီးလောင်ကျွမ်းခဲ့ရာ ကားပေါ်ပါလာသူ အများအပြား သေဆုံး/ ဒဏ်ရာရခဲ့ကြောင်း စေတနာ့ဝန်ထမ်း ကယ်ဆယ်ရေးလုပ်သားတွေက ပြောပါတယ်။
အင်္ဂါနေ့ မွန်းလွဲ ၁၂ နာရီခွဲ ဝန်းကျင်မှာ ဇီယာရောင်းဆစ် ဈေးဝယ်စင်တာအနီး ဖာဟွန်ယိုသင် လမ်းမကြီး ပေါ်မှာ ကျောင်းကား မီးလောင်ကျွမ်းခဲ့တာဖြစ်ကြောင်း Jor Sor 100 traffic radio network က သတင်း ထုတ်ပြန်ခဲ့ပါတယ်။
ပညာရေးခရီးစဉ်တစ်ခုအတွက် ဥူထိုင်းဌာနီပြည်နယ်၊ လတ်ဆတ်ခရိုင်၊ ဝတ်ခအို ဖရာယာ ဆောင်ခရမ် ကထွက်လာတဲ့ အဲဒီကျောင်းကားပေါ်မှာ ကျောင်းသား ၃၈ ဦးနဲ့ ဆရာ ၆ ဦး ပါရှိကြောင်း Fire & Rescue Thailand နဲ့ Thai PBS တို့က ပြောပါတယ်။
အဆိုပါကျောင်းကား သွားရောက်မယ့်နေရာကိုတော့ မသိဘူးလို့ ဆိုပါတယ်။ ခရီးသည်အများအပြား သေဆုံး/ ဒဏ်ရာရရှိကြောင်း Traffic Police radio ကလည်း သတင်းထုတ်ပြန်ခဲ့ပါတယ်။
Ref: School bus catches fire, students killed, injured
#PeopleMedia