ထိုင်းနိုင်ငံမှာ ရင်းနှီးမြှုပ်နှံမှုတွေ တိုးမြှင့်သွားဖို့ အမေရိကန်ကို ထိုင်းဝန်ကြီးချုပ်တိုက်တွန်း
PUBLISHED - September 22, 2023
နိုင်ငံတကာ၊ စက်တင်ဘာ ၂၂
ထိုင်းနိုင်ငံနဲ့ အမေရိကန်ပြည်ထောင်စု သံတမန်ဆက်ဆံရေးဟာ နှစ်ပေါင်း ၁၉၀ ရှိလာပြီဖြစ်တဲ့အလျောက် ထိုင်းနိုင်ငံဟာ အမေရိကန်နဲ့ ကုန်သွယ်ရေးတိုးမြှင့်သွားမှာဖြစ်ကြောင်း ဝန်ကြီးချုပ်ဆရက်ထာက ပြောကြား လိုက်ပါတယ်။
ဗုဒ္ဓဟူးနေ့ (စက်တင်ဘာလ ၂၀ ရက်နေ့) က အမေရိကန်-အာဆီယံ စီးပွားရေးကောင်စီ (USABC) နဲ့ အမေရိ ကန်ကုန်သည်ကြီးများအသင်း (USCC) က တည်ခင်းဧည့်ခံတဲ့ ညစာစားပွဲမှာ အမေရိကန်သမ္မတဂျိုးဘိုင်ဒန်နဲ့ တွေ့ဆုံပြီးနောက် ဆရက်ထာက အခုလိုပြောကြားလိုက်တာဖြစ်ပါတယ်။
မစ္စတာဆရက်ထာဦးဆောင်တဲ့ ထိုင်းကိုယ်စားလှယ်အဖွဲ့ဟာ နယူးယောက်ြမို့မှာကျင်းပနေပြီး တနင်္ဂနွေနေ့မှာ ပြီးဆုံးမယ့် ၇၈ ကြိမ်မြောက်ကုလသမဂ္ဂအထွေထွေညီလာခံကို တက်ရောက်နေတာဖြစ်ပါတယ်။
မစ္စတာဘိုင်ဒန်က ဆရက်ထာထိုင်းဝန်ကြီးချုပ်ဖြစ်လာတာကို ဂုဏ်ယူဝမ်းမြောက်ကြောင်းပြောကြားခဲ့သလို ဆ ရက်ထာကလည်း ထိုင်းနိုင်ငံအနေနဲ့ အမေရိကန်နိုင်ငံရဲ့ တည်ငြိမ်တဲ့ကုန်သွယ်ဖက်နိုင်ငံအဖြစ် ဆက်လက် တည်ရှိနေမှာဖြစ်ကြောင်း ပြောကြားခဲ့တယ်လို့ ပြန်လည်ပြောကြားခဲ့ပါတယ်။
နိုဝင်ဘာလအတွင်း ဆန်ဖရန်စစ္စကိုမှာကျင်းပမယ့် အာရှ-ပစိဖိတ် စီးပွားရေးပူးပေါင်းဆောင်ရွက်မှု (APEC) အ စည်းအဝေးရဲ့ ဘေးပန်းအစည်းအဝေးအဖြစ် ထိုင်း-အမေရိကန် နှစ်နိုင်ငံ ဆွေးနွေးပွဲကျင်းပသွားနိုင်လိမ့်မယ်လို့ မျှော်လင့်ထားကြောင်း ဝန်ကြီးချုပ်ဆရက်သာက ပြောပါတယ်။
မစ္စတာဆရက်ထာဟာ အက်စ်တိုးနီးယားဝန်ကြီးချုပ်လို တခြားနိုင်ငံတွေက ခေါင်းဆောင်တွေနဲ့လည်း တွေ့ဆုံ ခဲ့ပါတယ်။ အက်စ်တိုးနီးယားနိုင်ငံဟာ အရှေ့ဥရောပနိုင်ငံတွေထဲမှာ ခေတ်မီ အီလက်ထရောနစ်အစိုးရစနစ်ကို အောင်မြင်စွာ ကျင့်သုံးနိုင်တဲ့အတွက် ထင်ရှားတဲ့နိုင်ငံတစ်နိုင်ငံဖြစ်ပါတယ်။ ထိုင်းနိုင်ငံရဲ့ မြို့ပြအုပ်ချုပ်ရေးစနစ်ပိုမိုတိုးတက်ပြီး ကြိုးနီစနစ်နဲ့ အကျင့်ပျက်ခြစားမှုတွေကို ဖြတ်တောက်နိုင်ဖို့ အတွက် အက်စ်တိုးနီးယားနိုင်ငံရဲ့ အီလက်ထရောနစ်အစိုးရစနစ်နည်းပညာတွေ (e-government know-how) ကို ထိုင်းနိုင်ငံကို မျှဝေလွှဲပြောင်းပေးဖို့ တောင်းဆိုခဲ့တယ်လို့ ဆရက်ထာက ပြောပါတယ်။
“ရှေရှည်တည်တံ့ခိုင်မြဲတဲ့ ဖွံ့ဖြိုးတိုးတက်မှု ရည်မှန်းချက်တွေ” ဟာ ၇၈ ကြိမ်မြောက်ကုလသမဂ္ဂအထွေထွေ ညီ လာခံမှာ အလေးထားပြောကြားခဲ့တဲ့အကြောင်းအရာတွေထဲက တစ်ခုဖြစ်ကြောင်း နိုင်ငံခြားရေးဝန်ကြီး ဂျက် ကာဖောင်ဆန်မာနီက ပြောပါတယ်။
ထိုင်း-အမေရိကန် နှစ်နိုင်ငံကုန်သွယ်မှုဟာ ကမ္ဘာ့ကပ်ရောဂါဘေးကြီးအပြီးမှာ ပြန်လည်တိုးတက်လာခဲ့ကြောင်း၊ ထိုင်းနိုင်ငံဟာ ၁၅ နှစ်အတွင်း အမေရိကန်နိုင်ငံ အတွက် ဒုတိယအကြီးမားဆုံးကုန်သွယ်ဖက် မိတ်ဖက်နိုင်ငံဖြစ် လာခဲ့ကြောင်း အမေရိကန်ကအစိုးရက ပြောပါတယ်။
ပြီးခဲ့တဲ့နှစ်က အမေရိကန်ပြည်ထောင်စုက ရင်းနှီးမြှုပ်နှံမှု ၁.၁ ဘီလျံကို ထိုင်းနိုင်ငံကကြိုဆိုခဲ့ပြီး လက်ရှိအချိန် မှာ အမေရိကန်ရင်းနှီးမြှုပ်နှံမှုဟာ ထိုင်းနိုင်ငံမှာ အဆင့် ၃ မှာရှိနေကြောင်း သိရပါတယ်။
အမေရိကန်နိုင်ငံထဲက ထိုင်းရင်းနှီးမြှုပ်နှံမှုကလည်း တိုးတက်လျက်ရှိရာ အခုအချိန်အထိ ၁၃ ဘီလျံရှိသွားပြီဖြစ် တယ်လို့ဆိုပါတယ်။
“လက်ရှိအချိန်ဟာ ထိုင်းနိုင်ငံထဲမှာ ရင်းနှီးမြှုပ်နှံမှုတွေ တိုးမြှင့်လုပ်ဆောင်ဖို့ အချိန်ပဲဖြစ်ပါတယ်။” လို့ ဝန်ကြီး ချုပ် ဆရက်ထာက ပြောပါတယ်။
Ref: PM talks up US trade ties
#PeopleMedia