နဂါးနှစ်ကောင်ဆရာတော်ဘုရားကြီး၏ ရုပ်ကလပ်တော်အား ဈာပနကွင်းသို့ ပင့်ဆောင်မည့်လမ်းတလျှောက်ရှိ ရောင်းချလျက်ရှိသောဈေးဆိုင်များအား ဧပြီ (၅) ရက်နေ့နှင့် (၆) ရက်နေ့များတွင် ဈေးရောင်းချခြင်းမပြုရန် ကြေငြာထား
PUBLISHED - April 5, 2024
နေပြည်တော်၊ ဧပြီ ၅
နဂါးနှစ်ကောင်ဆရာတော်ဘုရားကြီး၏ ဈာပန ပြုလုပ်ရာတွင် တာချီလိတ်မြို့၊ ဆန်ဆိုင်း(က)ရပ်ကွက်ရှိ နိုင်ငံတော်ဩဝါဒစရိယ နဂါးနှစ်ကောင် ကျောင်းတိုက်ဆရာတော် အဘိဓဇမဟာရဌဂုရု၊ အဘိဓဇအဂ္ဂမဟာ သဒ္ဓမ္မဇောတိက၊ ဒေါက်တာ ဘဒ္ဒန္တဓမ္မသီရိ၏ အန္တိမဈာပနအခမ်းအနားကို ဧပြီလ(၆)ရက်နေ့တွင် ပြုလုပ် မည်ဖြစ်ရာ အနယ်နယ်အရပ်ရပ်မှ ဧည့်သည်တော်များ ဆရာတော်ကြီးများ လာရောက်လျက်ရှိကြောင်း သိရသည်။
နဂါးနှစ်ကောင်ဆရာတော်ဘုရားကြီး၏ ရုပ်ကလပ်တော်အား ဧပြီလ ၆ ရက်နေ့တွင် နဂါးနှစ်ကောင်ကျောင်း တိုက်မှ ဈာပနကွင်းအရောက်ပင့်ဆောင်ပူဇော်မည့် လမ်းမကြီးတလျှောက် ယာဉ်အန္တရာယ်ကင်းရှင်းစေရေး၊ လမ်းကြောင်းများရှင်းလင်းစေရေး၊ ပင့်ဆောင်ပူဇော်မည့် လမ်းတလျှောက် လမ်းပိတ်ဆို့မှုမရှိစေရေးနှင့် သန့်ရှင်းသာယာလှပရေးဆောင်ရွက်နိုင်ရန် စည်ပင် သာယာရေးဌာနမှ ဧပြီလ ၅ ရက်နေ့တွင် သန့်ရှင်းရေး ဆောင်ရွက်မည်ဖြစ်ကြောင်း သိရသည်။
သို့ဖြစ်ပါ၍ တာချီလိတ်မြို့ဗိုလ်ချုပ်လမ်းမကြီးနှင့် ဈာပနကွင်းသို့သွားရာလမ်းတလျှောက်ရှိ လမ်းဘေးဝဲယာတွင် ရောင်းချလျက်ရှိသောဈေးသူ/သားများအနေဖြင့် ဧပြီလ ၅ရက်နေ့နှင့် ဧပြီလ ၆ ရက်နေ့တို့တွင် ဈေးရောင်း ချမှုမပြုဘဲ ကုသိုလ်ပါဝင်ဆောင်ရွက်ကြစေရန်နှင့် ပတ်ဝန်းကျင်သန့်ရှင်းရေးပူးပေါင်းဆောင်ရွက်ပေးကြရန် စည်ပင်သာယာရေးဌာနမှ လိုက်လံနှိုးဆော် စည်းရုံးဆောင်ရွက်လျက်ရှိကြောင်း သိရသည်။
နဂါးနှစ်ကောင်ကျောင်းတိုက်မှ ပဓာန နာယကဆရာတော်ကြီး ဒေါက်တာ ဘဒ္ဒန္တဓမ္မသီရိ သက်တော် ( ၉၇ ) နှစ်၊ ဝါတော် (၇၇) နှစ်သည် ၂၀၂၄ ခုနှစ် ဖေဖော်ဝါရီလ ၈ ရက် နံနက်အစောပိုင်းတွင် ဘဝနတ်ထံ ပျံလွန် တော်မူခဲ့ခြင်းဖြစ်သည်။
နဂါးနှစ်ကောင်ကျောင်း တိုက်ဦးစီးပဓါနနာယကဆရာတော် ဒေါက်တာဘဒ္ဒန္တဓမ္မသီရိ၏ အန္တိမအဂ္ဂိဈာပန ပူဇာ သဘင်ကို ဟောင်လိတ်စက်မှုဇုံအနီး၊ တာချီလိတ်-မိုင်းဖုန်း သွားလမ်းနှင့်မြို့ပတ်လမ်းထောင့်အနီးရှိ ကွင်း၌ ကျင်းပမည်ဖြစ်ကြောင်း သိရသည်။
#PeopleMedia