နေပြည်တော်၊ တပ်ကုန်းမြို့နယ်၌ မြေအောက်ကေဘယ်မီးကြိုးများ ဖြတ်တောက်ခိုးယူသူ အမျိုးသားတစ်ဦး အား ဖမ်းဆီးရမိ
PUBLISHED - August 21, 2024
နေပြည်တော်၊ သြဂုတ် ၂၁
နေပြည်တော်ကောင်စီနယ်မြေ၊ တပ်ကုန်းမြို့နယ်၌ မြေအောက်ကေဘယ်မီးကြိုးများ ဖြတ်တောက်ခိုးယူသူ အမျိုးသားတစ်ဦးအား သြဂုတ်လ ၁၉ ရက်နေ့က ဖမ်းဆီးရမိခဲ့ကြောင်း သိရသည်။
ဖြစ်စဉ်မှာ သြဂုတ်လ ၁၉ ရက် နံနက် ၃ နာရီခွဲအချိန်တွင် တပ်ကုန်းမြို့နယ်၊ ဘုရားကုန်းမြို့မရဲ့ရဲစခန်းမှ တပ်ဖွဲ့ဝင်များ ကင်းလှည့်နေစဉ် နေပြည်တော်-တပ်ကုန်း၊ အမှတ်(၁)လမ်း၊ သတ္တသတ္တာဟဘုရားနှင့် သပြေစမ်းကျေးရွာကြား လမ်းလယ်ကျွန်းပေါ်၌ မင်္သကာဖွယ်ရာ အမျိုးသားတစ်ဦးအားတွေ့ရှိ၍ စစ်ဆေးခဲ့ရာ ပုဗ္ဗသီရိမြို့နယ် ဇလုပ်ကြီးကျေးရွာနေ ကျော်စိုး ၄၅ နှစ်ဖြစ်ပြီး ၎င်းထံမှ ဖြတ်တောက် ခိုးယူထားသော မြေအောက်ကေဘယ်မီးကြိုးဖြတ်စခွေ ၁၆ ခွေ၊ ဂေါ်ပြား ၁ လက်၊ ဓားမ ၁ ချောင်းနှင့် ဆက်စပ်ပစ္စည်းများနှင့် အတူ ဖမ်းဆီးရမိခဲ့ကြောင်း သိရသည်။
ဖမ်းဆီးရမိတရာခံအား ဥပေဒနှင့်အညီ ထိရောက်စွာ အရေးယူနိုင်ရေး အမှုဖွင့်ပြီး ဆက်စပ်ပြစ်မှုများ ကျူးလွန်ထားခြင်း ရှိမရှိ ဆက်လက်စစ်ဆေးဆောင်ရွက်လျက်ရှိကြောင်း သိရသည်။
#PeopleMedia