နောင်ချိုမြို့တွင် TNLA (၂) လောင်းနှင့်အတူ လက်နက်များ သိမ်းဆည်းရမိ
PUBLISHED - September 11, 2023
နေပြည်တော်၊ စက်တင်ဘာ ၁၁
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ နောင်ချိုမြို့၊ ဟိုခိုကျေးရွာအနီးတွင် TNLA (၂) လောင်းနှင့်အတူ လက်နက်များကို လုံခြုံရေးတပ်ဖွဲ့များမှ သိမ်းဆည်းရရှိကြောင်း သိရသည်။
စက်တင်ဘာလ ၁၀ ရက်နေ့တွင် ဟိုခိုကျေးရွာအနီးတွင် TNLA များ ဆက်ကြေးကောက်ခံကြောင်း သတင်း ရရှိသောကြောင့် လုံခြုံရေးတပ်ဖွဲ့များမှ သွားရောက်တိုက်ခိုက်ခဲ့ကြောင်း သိရသည်။
ထိုအပြန်အလှန်ပစ်ခတ်ရာတွင် TNLA အလောင်း ၂ လောင်း၊ ၎င်းတို့ကိုင်ဆောင်သည့် သေနတ် ၂ လက်၊ ကျည် ၂၀၀ တောင့်၊ ကျည်အိမ်အဝိုင်း ၁ ခု၊ ကျည်ကာ ဦးထုပ် ၁ လုံး နှင့် ယူနီဖောင်း ၁ စုံ တို့ကိုသိမ်းဆည်း ရရှိခဲ့ကြောင်း သိရသည်။
Photo – Credit
#PeopleMedia