ပခုက္ကူမြို့နယ် အင်ပင်ကျေးရွာရှိ စစ်ဆေးရေးဂိတ်အား PDF က Drone ယာဉ်များဖြင့် ဗုံးပစ်ချတိုက်ခိုက်၊ လမ်း သွားလမ်း ၄ ဦး ထိခိုက်ဒဏ်ရာရရှိ
PUBLISHED - August 10, 2023
နေပြည်တော်၊ သြဂုတ် ၁၀
မကွေးတိုင်းဒေသကြီး၊ ပခုက္ကူမြို့နယ်၊ အင်ပင်ကျေးရွာရှိ စစ်ဆေးရေးဂိတ်ကို PDF က Drone ယာဉ်ဖြင့် ဗုံး ပစ်ချတိုက်ခိုက်ခဲ့မှုကြောင့် လမ်းသွားလမ်းလာ ၄ ဦး ထိခိုက်ဒဏ်ရာများရရှိခဲ့ကြောင်း သိရသည်။
ဩဂုတ် ၈ ရက်၊ မွန်းလွဲ ၂ နာရီဝန်းကျင်အချိန်ခန့်က ပခုက္ကူမြို့နယ်၊ အင်ပင်ကျေးရွာရှိ စစ်ဆေးရေးဂိတ်တွင် လုံခြုံရေးတပ်ဖွဲ့ဝင်များက တာဝန်ထမ်းဆောင်နေစဉ် ဂိတ်၏အနောက်မြောက်ဘက်မှ Drone ယာဉ်များ ပျံသန်း လာပြီး စစ်ဆေးရေးဂိတ်ကို ဗုံပစ်ချတိုက်ခိုက်ခဲ့ရာ လုံခြုံရေးတပ်ဖွဲ့ဝင်များ ထိမှန်ခြင်းမရှိဘဲ လမ်းသွားလမ်းလာ များဖြစ်ကြသည့် အမျိုးသမီးကြီး ၂ ဦးနှင့် သက် ၁၆ နှစ်အရွယ်ရှိ အမျိုးသမီး ၁ ဦးနှင့် အသက် ၁၃ နှစ်အရွယ်ရှိ ၁ ဦးတို့ ထိခိုက်ဒဏ်ရာရရှိခဲ့၍ ပခုက္ကူပြည်သူ့ဆေးရုံကြီးသို့ ပို့ဆောင်လိုက်ရကြောင်း သိရသည်။
#PeopleMedia