ပုဇွန်တောင်မြို့နယ်တွင် နေအိမ်တစ်လုံးအတွင်းမှ ဘိန်းဖြူနှင့် စိတ်ကြွရူးသွပ်ဆေးပြားများ ဖမ်းဆီးရမိ
PUBLISHED - August 17, 2023
နေပြည်တော်၊ သြဂုတ် ၁၇
ရန်ကုန်တိုင်းဒေသကြီး၊ ပုဇွန်တောင်မြို့နယ်၊ (၂) ရပ်ကွက်တွင် နေအိမ်တစ်လုံးအတွင်းမှ ဘိန်းဖြူနှင့် စိတ်ကြွ ရူးသွပ်ဆေးပြားများ ဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။
သြဂုတ်လ ၁၅ ရက်နေ့ မွန်းလွဲ ၂နာရီအချိန် တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက် သေများနှင့်အတူ ပုဇွန်တောင်မြို့နယ်၊ (၂)ရပ်ကွက်၊ (၅၄)လမ်းနေ ဇော်ဝင်း(ခ)ဆူမန်း၏ နေအိမ်အား ဝင် ရောက်ရှာဖွေရာ ၎င်းနှင့်အတူ နေအိမ်အတွင်းမှ ဘိန်းဖြူအလေးချိန် ၄၀ ဂရမ်(ဒေသကာလပေါက် ဈေး တန်ဖိုးငွေကျပ် ၁၆ သိန်း)၊ စိတ်ကြွရူးသွပ်ဆေးပြား ၅၀၀၀ ပြား(ဒေသကာလပေါက်ဈေးတန်ဖိုးငွေကျပ်သိန်း ၅၀)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့သဖြင့် ဇော်ဝင်း(ခ)ဆူမန်း(၄၀)နှစ်အား ပုဇွန် တောင်မြို့မ ရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရသည်။
#PeopleMedia