ပေါင်မြို့နယ် ဥတ္တံတားအပြင်ကျေးရွာရှိ ပေါက်ကွဲမှုဖြစ်ပွားခဲ့သည့်နေအိမ်မှ ဖောက်ခွဲပစ္စည်းများသိမ်းဆည်းရမိ
PUBLISHED - August 20, 2024
နေပြည်တော်၊ သြဂုတ် ၂၀
မွန်ပြည်နယ်၊ ပေါင်မြို့နယ်ရှိ ဥတ္တံတားအပြင် ကျေးရွာရှိ ပေါက်ကွဲမှုဖြစ်ပွားခဲ့သည့် နေအိမ်မှ ယမန်နေ့ နံနက် ၁၀ နာရီကျော် အချိန်က ဖောက်ခွဲပစ္စည်းများ သိမ်းဆည်းရမိခဲ့ကြောင်း သိရသည်။
ဖြစ်စဉ်မှာ ပေါင်မြို့နယ်၊ ဥတ္တံတားအပြင် ကျေးရွာ၊ ရပ်ကွက်(၆)၊ ဘောဃဗလလမ်းတွင် အမျိုးသား ၁ ဦး ပိုင်ဆိုင်သည့် နေအိမ်၌ ပေါက်ကွဲမှု ဖြစ်ပွားခဲ့ကြောင်း ဒေသခံများ သတင်းပေးချက်အရ လုံခြုံရေးတပ်ဖွဲ့ဝင်များ မှ သွားရောက်၍ စစ်ဆေးခဲ့ရာ နေအိမ်အတွင်း လူမရှိတော့ဘဲ နေအိမ်ခြံဝင်းအတွင်းရှိ ဂိုထောင်မှာ ပြိုကျပျက်စီး နေကြောင်း သိရသည်။
အဆိုပါ နေအိမ်အတွင်းရှိ ဂိုထောင်အနီးဝန်းကျင်တွင် မပေါက်ကွဲသေးသော ၄၀ မမ ဗုံးသီး နှစ်လုံး၊ မိုင်းထောင် ဖောက်ခွဲဖျက်ဆီးရာတွင် အသုံးပြုသည့် ဆက်စပ်ပစ္စည်းများသိမ်းဆည်းရမိခဲ့ကြောင်း သိရသည်။
#PeopleMedia