ဖားကန့်မြို့တွင် နွံကန်ပေါက်ကျမှုကြောင့် လူနေအိမ် (၅၀) နစ်မြုပ်ပြီး၊ နေအိမ် (၆) လုံးဆုံးရှုံး
PUBLISHED - March 21, 2025
နေပြည်တော်၊ မတ် ၂၁
ကချင်ပြည်နယ်၊ ဖားကန့်မြို့၊ ဆိပ်မှုအုပ်စု၊ နမ့်မှော်ကျေးရွာတွင် နွံကန်ကြီးတစ်ကန်ပေါက်ကျမှုကြောင့် ထိုကျေးရွာရှိ လမ်းမပေါ်တွင် ရွှံ့နွံများစီးကျပြီး လူနေအိမ် (၅၀) နစ်မြုပ်၍ နေအိမ် (၆) လုံး ဆုံးရူံးသွားကြောင်း သိရသည်။
ယနေ့မတ်လ ၂၁ ရက် နံနက် ၈ နာရီအချိန်တွင် နွံကန်ပေါက်ကျမှုကြောင့် လမ်းမပေါ်ရှိ ရွှံ့နွံများကို ဘက်ဟိုးများဖြင့် ကူညီကယ်ဆယ်ရေးလုပ်ငန်းများဆောင်ရွက်နေပြီး ရွှံ့နွံများကို ဖယ်ရှားဆောင်ရွက် နေကြောင်း သိရသည်။
“မနက် ၈ နာရီက နေအိမ် ၅၀ ကျော်အာက်ခြေတွေနစ်တယ်။ ၆ လုံးပါတယ်။ စိုးရိမ်စရာတော့မရှိဘူး။ ခုညနေခင်းတော့ မစီးတော့ဘူး။ လူတွေသေဆုံးမှုမရှိဘူး” လို့ ဖားကန့်မြို့တွင် နေထိုင်သူတစ်ဦးမှ People Media သို့ဖြေကြားသည်။
အလားတူ ဇန်နဝါရီလ ၁၃ ရက် နံနက် ၁ နာရီကျော်တွင် ဖားကန့်မြို့၊ ဆိပ်မှုကျေးရွာအုပ်စု၊ စပေါ့ကျေးရွာတွင် KIA အဖွဲ့ဝင်များ ကျောက်စိမ်းတူးဖော်သည့် နွံကန်ပြိုကျမှုကြောင့် လူနေအိမ်များ ဆုံးရူံးသလို သေဆုံးသူ ကလေးရုပ်အလောင်းအပါအဝင် စုစုပေါင်းအလောင်း (၂၀) ရှာဖွေတွေ့ရှိခဲ့သည့် ဖြစ်စဉ်လည်းရှိခဲ့သည်။
#PeopleMedia