ဖားကန့်မြို့တွင် KIA/PDF (၅) လောင်းနှင့်အတူ လက်နက်၊ ခဲယမ်းများ သိမ်းဆည်းရမိ
PUBLISHED - September 11, 2023
နေပြည်တော်၊ စက်တင်ဘာ ၁၁
ကချင်ပြည်နယ်၊ မိုးညှင်းခရိုင်၊ ဖားကန့်မြို့၊ ဟောင်ပါးကျေးရွာရှိ မြောက်ဘုန်းကြီးကျောင်းတွင် စခန်းချနေသည့် KIA/PDF တို့၏ရုပ်အလောင်း (၅) လောင်းနှင့်အတူ လက်နက်၊ ခဲယမ်းများ သိမ်းဆည်းရမိကြောင်း သိရသည်။
စက်တင်ဘာလ ၁၁ ရက် နံနက်ခင်းအချိန်တွင် လုံခြုံရေးတပ်ဖွဲ့များမှ သတင်းရရှိသောကြောင့် KIA/PDF စခန်း ချသည့် မြောက်ဘုန်းကြီးကျောင်းသို့ သွားရောက်တိုက်ခိုက်ခဲ့ကြောင်း သိရသည်။
ထိုသို့တိုက်ခိုက်ရာတွင် KIA/PDF အလောင်း (၅) လောင်း၊ သေနတ် ၅ လက်၊ ပစ္စတို ၁ လက်၊ M – 22 ကျည်အိမ် ၄ ခု၊ M – 22 ကျည် ၁၀၀ တောင့်၊ လက်လုပ်မိုင်း ၇ လုံး၊ တရုတ်လက်ပစ်ဗုံး ၄ လုံး၊ GPS ၁ လုံး၊ ဒီတိုနေတာ ၇ ခု၊ ဖြူး(စ်) ၇ ခု၊ အိုင်ကွန် ၃ လုံး၊ ရီမု ၁ ခု၊ မှန်ပြောင်း ၁ လက်၊ စနိုက်ပါမှန်ပြောင်း ၁ ခု၊ KIA ယူနီဖောင်း ၁၀ စုံ၊ KIA ဦးထုပ် ၄ လုံး၊ KIA ဘက်တံဆိပ် ၂ ခု၊ PDF ဘက်တံဆိပ် ၂ ခု၊ ကျောပိုးအိတ် ၆ လုံး နှင့် တစ်ယောက်ပစ်ကျင်း ၃ ကျင်းတို့အား သိမ်းဆည်းရရှိခဲ့ကြောင်း သိရသည်။
Photo – Credit
#PeopleMedia