ဖားကန့်မြို့နယ် မနမှော်တွင် မြေပြိုကျမှုကြောင့် ရေနေစ်မြုပ်သူများအနက်မှ သေဆုံးရုပ်အလောင်း ၃၂ လောင်းအထိ ရှာဖွေတွေ့ရှိ
PUBLISHED - August 16, 2023
နေပြည်တော်၊ ဩဂုတ် ၁၆
ကချင်ပြည်နယ်၊ မိုးညှင်းခရိုင်၊ ဖားကန့်မြိုနယ်၊ အေးမြသာယာရပ်ကွက်၊ မနမှော်ရှိ မျိုးနွယ်ကုမ္ပဏီလုပ်ကွက် ကျင်းဟောင်းရေကန်တွင် မြေပြိုကျခဲ့မှုကြောင့် ရေကန်အတွင်း ရေမျောနစ်မြုပ်ပျောက်ဆုံးနေသူများ အနက်မှ ယနေ့ မွန်းတည့် ၁၂ နာရီအချိန်တွင် သေဆုံးရုပ်အလောင်း ၇ လောင်း ထပ်မံတွေ့ရှိခဲ့ကြောင်း သိရသည်။
ရေကန်အတွင်း ရေမျောနစ်မြုပ်ပျောက်ဆုံးနေသော သူများအား လူမှုရေး အသင်းများမှ ရှာဖွေကယ်ဆယ်ရေး လုပ်ငန်းများ ဆောင်ရွက်လျက်ရှိရာ ဩဂုတ်လ ၁၅ ရက်က သေဆုံးသူရုပ်အလောင်း ၂၅ လောင်းတွေ့ရှိပြီး ယနေ့ နံနက်မှ မွန်းတည့် ၁၂ နာရီအထိ သေဆုံးရုပ်အလောင်း ၇ လောင်း ထပ်မံတွေ့ရှိသဖြင့် စုစုပေါင်း ၃၂ လောင်းအား ရှာဖွေဆယ်ယူထားနိုင်ခဲ့ကြောင်း သိရသည်။
ပျောက်ဆုံးသူများ ရှိနေသေးသည့်အတွက် ရှာဖွေရေးလုပ်ငန်းများကို ဆက်လက် ဆောင်ရွက်လျက်ရှိ ကြောင်းနှင့် အဆိုပါ မြေပြိုကျမှုသည် ဩဂုတ်လ ၁၃ ရက်၊ ညနေ ၄ နာရီခန့်က ဖြစ်ပွားခဲ့ခြင်းဖြစ်ကြောင်း သိရသည်။
#PeopleMedia