မင်းကင်းမြို့တွင် PDF (၁) လောင်းနှင့်အတူ လက်နက်ခဲယမ်းနှင့် ဆက်စပ်ပစ္စည်းများ သိမ်းဆည်းရရှိ
PUBLISHED - September 8, 2023
နေပြည်တော်၊ စက်တင်ဘာ ၈
စစ်ကိုင်းတိုင်းဒေသကြီး၊ ကလေးခရိုင်၊ မင်းကင်းမြို့နယ်၊ အင်ပင်ကျေးရွာအနီးတွင် PDF အလောင်း (၁) လောင်းနှင့်အတူ လက်နက်ခဲယမ်းနှင့် ဆက်စပ်ပစ္စည်းများ သိမ်းဆည်းရရှိခဲ့ကြောင်း သိရသည်။
စက်တင်ဘာလ ၇ ရက် ညနေ ၃:၃၀ အချိန်တွင် လုံခြုံရေးတပ်ဖွဲ့များမှ မင်းကင်းမြို့ရှိ ကျေးရွာတစ်ချို့အား နယ်မြေရှင်းလင်းရေးဆောင်ရွက်နေစဉ် အင်ပင်လှကျေးရွာအနီးရှိ PDF များနေသည့်နေရာသို့ ရှင်းလင်းခဲ့ ကြောင်း သိရသည်။
ထိုရှင်းလင်းရာတွင် PDF အလောင်း (၁) လောင်း၊ လူ အယောက် ၂၀ ဆံ့သည့် တဲ ၁ လုံး၊ ၂ ယောက်အိပ်တဲ ၁၁ လုံး၊ ၁၀ ဦးဆံ့အချုပ်ခန်း ၁ ခန်း၊ တူမီးသေနတ် ၃ လက်၊ လက်လုပ် ၄၀ မမသေနတ် ၁ လက်၊ လေ့ကျင့် ရေးသစ်သားသေနတ် ၁၂ လက်၊ ၅.၅၆ မမကျည် ၃၀တောင့်၊ လက်လုပ်တိုက်မိုင်း ၇ လုံး၊ ယမ်းမှုန့် (၂ ပိဿာ ခန့်) ၁ ထုပ်နှင့် ဆိုင်ကယ် ၁ စီးတို့ သိမ်းဆည်းရမိကြောင်း သိရသည်။
Photo – Credit
#PeopleMedia