မတ္တရာမြို့တွင် ရာအိမ်မှူးတစ်ဦး သေနတ်ပစ်ခတ်ခံရ၍ သေဆုံး
PUBLISHED - August 7, 2023
နေပြည်တော်၊ သြဂုတ် ၇
မန္တလေးတိုင်းဒေသကြီး၊ အောင်မြေသာစံခရိုင်၊ မတ္တရာမြို့နယ်၊ ပိဿကာစုကျေးရွာတွင် နေသည့် ရာအိမ်မှူး ဦးတင်ဝင်းကို PDF များမှ သေနတ်ဖြင့်ပစ်ခတ်သွားကြောင်း သိရသည်။
သြဂုတ်လ ၅ ရက် နေ့လယ် ၁၂ နာရီဝန်းကျင်တွင် ပိဿကာစုကျေးရွာတွင် နေသည့် ရာအိမ်မှူး ဦးတင်ဝင်းမှာ ထိုကျေးရွာ၏ မြောက်ဘက်တွင်ရှိသည့် ၎င်းမွေးမြူထားသော ငါးမွေးကန်ထဲ၌ ရှိနေစဉ်အတွင်း PDF များ မော်တော်ဆိုင်ကယ်များဖြင့်ရောက်ရှိလာပြီး ပစ်ခတ်သွားကြောင်း သိရသည်။
ထိုပစ်ခတ်ခံရသည့် ရာအိမ်မှူး ဦးတင်ဝင်းမှာ ညာဘက်နားထင်ပေါ်နှင့်ဘယ်ဘက်နားထင်တို့တွင် ကျည်ထိ ဒဏ်ရာများရရှိပြီး အခင်းနေရာတွင် သေဆုံးသွားကြောင်း သိရသည်။
Photo – Credit
#PeopleMedia