မန္တလေးမြို့ရှိ Paradise ဖုန်းဆိုင်ကို လူငယ်နှစ်ဦးမှ ဓားပြတိုက်ပြီး iphone (၁၅) လုံး ယူဆောင်သွား
PUBLISHED - June 13, 2024
နေပြည်တော်၊ ဇွန် ၁၃
မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာမြိုင်(၁) ရပ်ကွက်၊ ၆၉ လမ်းနှင့် ၃၈ လမ်းထောင့်ရှိ Paradise ဖုန်းဆိုင်ကို လူငယ်နှစ်ဦးမှ ဓားပြတိုက်ကာ iphone (၁၅)လုံး ယူဆောင်သွားကြောင်း သိရသည်။
ဇွန်လ (၁၂)ရက် ညနေ (၇)နာရီ (၂၀)မိနစ်အချိန်က Paradise ဖုန်းဆိုင်တွင် ဆိုင်ပိုင်ရှင် အမျိုးသား၊ ဆိုင် ဝန်ထမ်း အမျိုးသား (၁)ဦးနှင့် အမျိုးသမီး (၂)ဦးတို့ ရှိနေစဉ် Mask များ တပ်ဆင်ထားသည့် လူငယ်နှစ်ဦးသည် ဓားရှည်များ ကိုယ်စီ ကိုင်ဆောင်၍ ဝင်ရောက်လာသည်။
ယင်းနောက်တွင် အဆိုပါ လူငယ်နှစ်ဦးမှ ဆိုင်ပိုင်ရှင်နှင့် ဆိုင်ဝန်ထမ်းများကို ဓားဖြင့် ခြိမ်းခြောက်ကာ မှန်ကောင်တာ နှစ်လုံးအား ရိုက်ခွဲပြီး အထဲမှ iphone (၁၅) လုံးအား လုယက်ယူဆောင်သွားကြောင်း သိရသည်။
ဓားပြတိုက် လုယက်သွားသည့် လူငယ်တစ်ဦးသည် အင်္ကျီလက်ရှည်အနက်၊ ဘောင်ဘီရှည်အနက်၊ ရှူးဖိနပ် အဖြူ၊ လျှာထိုးဦးထုပ်အညိုရောင်ဆောင်းထားပြီး နောက်တစ်ဦးသည် အင်္ကျီလက်ရှည်အနက်ရောင်၊ ဂျင်း ဘောင်းဘီ အဖြူရောင် လျှာထိုးဦးထုပ် ခဲရောင်၊ ရှူးဖိနပ်အဖြူရောင် ဝတ်ဆင်ထားကြောင်း သိရသည်။
#PeopleMedia