မရမ်းကုန်းမြို့တွင် ဆောက်လက်စ ငါးထပ်တိုက်ပေါ်မှ ငြမ်းဖြုတ်သည့် အမျိုးသားတစ်ဦး ပြုတ်ကျ၍ သေဆုံး
PUBLISHED - January 29, 2024
နေပြည်တော်၊ ဇန်နဝါရီ ၂၉
ရန်ကုန်တိုင်းဒေသကြီး၊ မရန်းကုန်းခရိုင်၊ မရမ်းကုန်းမြို့နယ်၊ (၂) ရပ်ကွက်၊ အောင်ဇေယျလမ်းအတွင်းရှိ ဆောက်လက်စ ငါးထပ်တိုက်ပေါ်မှ ငြမ်းဖြုတ်သည့် အမျိုးသားတစ်ဦး ပြုတ်ကျ၍ သေဆုံးသွားကြောင်း သိရသည်။
ဇန်နဝါရီလ ၂၈ ရက် နံနက် ၈ နာရီကျော်တွင် ဆောက်လက်စတိုက်ပေါ်မှ အလုပ်သမားတစ်ဦး ပြုတ်ကျ ကြောင်း ရတနာဖြိုးလူမှုကူညီရေးအသင်းရုံး သမိုင်းအသင်းသို့ ဖုန်းဆတ်အကြောင်းကြားသောကြောင့် ဒဏ်ရာရရှိသည့် အမျိုးသားကို အင်းစိန်ဆေးရုံသို့ ပို့ဆောင်ပေးခဲ့ကြောင်း သိရသည်။
ထိုတိုက်ပေါ်မှ ပြုတ်ကျသည့် အမျိုးသားမှာ ခေါင်း၊ ကျောရိုး၊ ခါးရိုးနှင့် အောက်ပိုင်းတို့တွင် ပြင်းထန်ဒဏ်ရာ ရရှိပြီး ဆေးရုံ၌ ၄၅ မိနစ်ဆေးရုံ၌ ဆေးကုသနေစဉ် သေဆုံးသွားကြောင်း၊ ထိုသေဆုံးသည့် အမျိုးသားမှာ လှိုင်သာယာမြို့နယ်တွင် နေထိုင်သည့် ဆေးသုတ်လုပ်ငန်းလုပ်ကိုင်သူ အသက် (၄၀) ဝန်းကျင်ရှိသည့် ဦးမင်းနိုင်ဖြစ်ကြောင်း သိရသည်။
Photo – Credit
#PeopleMedia