မလေးရှားနိုင်ငံ ရေပိုင်နက်သိုသယ်ဆောင်မည့် ကျပ် ၄၅ ဒသမ ၂၈ ဘီလီယံကျော်တန်ဖိုးရှိ အိုက်စ် ၁ ဒသမ ၅ တန်၊ လက်နက်/ခဲယမ်းများ၊ ထိန်းချုပ်ဓာတုပစ္စည်းများနှင့်အတူ ဖော်ထုတ်ဖမ်းဆီးရမိ

PUBLISHED - February 24, 2024

နေပြည်တော်၊ ဖေဖော်ဝါရီ ၂၄

 

ဧရာဝတီတိုင်းဒေသကြီး၊ လပွတ္တာမြို့နယ်၊ ဟိုင်းကြီးကျွန်းမြို့အနီး ပင်လယ်ပြင်၌ တပ်မတော်(ရေ)မှ ဇန်နဝါရီ ၂၂ ရက် ညနေ ၃ နာရီခွဲတွင် အေးမြတ်အောင် စက်လှေကို မသင်္ကာဖွယ်တွေ့ရှိသဖြင့် စစ်ဆေးခဲ့ရာ စက်လှေ ပေါ်တွင် မူးယစ်ဆေးဝါးများ လွှဲပြောင်းလက်ခံသယ်ဆောင်ရန် စောင့်ဆိုင်းနေသည့် ဇော်မင်းဦး၊ ကိုကိုဇော်၊ လွှမ်းအောင်၊ သူရစိုးနှင့် ထွန်းဦးတို့ ၅ ဦးအား တွေ့ရှိရ၍ လုံခြုံရေးတပ်ဖွဲ့ဝင်များ ပါဝင်သော ပူးပေါင်းအဖွဲ့မှ စုံစမ်းစစ်ဆေးဖော်ထုတ်ခဲ့ကြောင်း မြန်မာနိုင်ငံရဲတပ်ဖွဲမှ သိရသည်။

 

ဇန်နဝါရီ ၂၆ ရက်တွင် အေးမြတ်အောင် အမည်ရှိ ပင်လယ်ပြင်သွားစက်လှေပိုင်ရှင် တင်ရှိန်နှင့် စိုးရန်နိုင်(ခ) နောင်နောင်အား ပုသိမ်မြို့တွင်လည်းကောင်း၊ ဇန်နဝါရီလ ၂၈ ရက်နေ့၌ ဌေးအောင်(ခ)ပေါက်စအား ကျောင်း ကုန်းမြို့နယ်တွင်လည်းကောင်း ဖမ်းဆီးရမိခဲ့ပြီး ၎င်းတို၏ဖော်ထုတ်ချက်အရ ဖေဖော်ဝါရီ ၁၂ ရက်၌ နိုင်ဦး(ခ) မောင်မောင်လေး(ခ) လှဝင်းအား ပုသိမ်မြို့နယ် ကုလားချောင်းကျေးရွာတွင် ဖမ်းဆီးရမိခဲ့ပြီး ယင်းနေ့ ည ၇ နာရီခွဲတွင် ပုသိမ်မြို့နယ် သမ္ဗန်ချိုင်ကျေးရွာရှိ တင်ထွန်း၏ ဂိုဒေါင်မှ အိုက်စ်(မက်သ်အဖက်တမင်း) ၁ ဒသမ ၅ တန် သိမ်းဆည်းရမိခဲ့ကြောင်း သိရသည်။

 

ဆက်လက်ဖော်ထုတ်ချက်များအရ ဖေဖော်ဝါရီ ၁၃ ရက် နံနက် ၉ နာရီတွင် ပုသိမ်မြိုနယ် မကျီးဇင်ကျေးရွာတွင် ထွန်းလင်နိုင်(ခ)ငလင်း၊ ဇော်ထွေးလွင်(ခ)ငတိုလေး၊ ရဲလွင်ကို(ခ) ရခိုင်လေး၊ ကျော်ဇင်ထက်နှင့် ကျော်မင်း တို ၅ ဦးအား အေးမြတ်အောင် စက်လှေပေါ်သို သိမ်းဆည်းရမိ အိုက်စ်(မက်သ်အဖက်တမင်း)များ တင်ဆောင်ပေး ရန် စောင့်ဆိုင်းနေသည့် ကမ်းရိုးတန်းသွား စက်လှေတစ်စီးနှင့်အတူ ဆက်လက်ဖမ်းဆီးရမိခဲ့ကြောင်း၊ ဖေဖော် ဝါရီ ၁၄ ရက် မွန်းလွဲ ၂ နာရီတွင် တနင်္သာရီတိုင်းဒေသကြီး မြိတ်မြိုအလယ်ကျွန်းရပ်ကွက်ရှိ အေးမြတ်အောင် စက်လှေပိုင်ရှင် တင်ရှိန်နှင့် မဇင်မာဌေးတို၏ နေအိမ်မှ ပစ္စတိုသေနတ် ၁ လက်၊ ၎င်းကျည်အိမ် ၁ ခု၊ ၎င်းကျည် ၄၅ တောင့်၊ ၁၂ ဗို ပြောင်းချောကျည် ၂၃ တောင့်၊ မြန်မာငွေကျပ်သိန်း ၃၀၊ မော်တော်ယာဉ် ၂ စီးနှင့် လည်း ကောင်း၊ တနင်္သာရီမြို၊ ချောင်းငယ်ရပ်ကွက်ရှိ တင်ရှိန်၏နေအိမ်မှ ပြောင်းချောသေနတ် ၁ လက်၊ ၁၂ ဗိုကျည် ၂၃ တောင့်တိုကို သိမ်းဆည်းရမိခဲ့ကြောင်း သိရသည်။

 

ဖေဖော်ဝါရီ ၁၄ ရက်၌ သိမ်းဆည်းရမိ အိုက်စ်(မက်သ်အဖက်တမင်း)များအား မန္တလေးမှ ပုသိမ်သို Dump Truck မော်တော်ယာဉ်နှင့် သယ်ဆောင်ခဲ့သည့် ကျော်ရဲမြင့်(ခ)ဖြိုးသူရနှင့် စိုးမောင်မောင်တို့အား ရေကြည်မြို့ နယ်၊ ရေနံ့သာကျေးရွာတွင် အဆိုပါမော်တော်ယာဉ်နှင့်အတူ ထပ်မံဖမ်းဆီးရမိခဲ့ကြောင်း၊ ဖေဖော်ဝါရီ ၁၆ ရက်၌ သိမ်းဆည်းရမိ အိုက်စ်(မက်သ်အဖက်တမင်း)များကို တာဝန်ခံသယ်ဆောင်သူ ရဲခေါင်ထွန်း ငှားရမ်းထားသည့် ပြည်ကြီးတံခွန်မြိုနယ်(ည)ရပ်ကွက် ၅၉ လမ်းနှင့် ၁၄၁ လမ်းထောင့်ရှိ ခြံဝင်းအတွင်းမှ ထိန်းချုပ်ဓာတုပစ္စည်း များဖြစ်သည့် Methylamine လီတာ ၁၆,၄၀၀၊ Sulphuric Acid လီတာ ၁,၂၀၀ ၊ Hydrochloric Acid လီတာ ၅၆၀၊ Benzyl Cyanide လီတာ ၁၂,၄၀၀ တိုကို သိမ်းဆည်းရမိခဲ့သဖြင့် သိမ်းဆည်းရမိ အိုက်စ်(မက်သ်အဖက် တမင်း)များနှင့် ဓာတုပစ္စည်း စုစုပေါင်း ဒေသကာလတန်ဖိုး ငွေကျပ် ၄၅ ဒသမ ၂၈ ဘီလီယံကျော်နှင့် ပင် လယ်ပြင်သွားစက်လှေ ၁ စီး၊ ကမ်းရိုးတန်းသုံး စက်လှေ ၁ စီး၊ မော်တော်ယာဉ် ၃ စီးတို့အား သိမ်းဆည်း ရမိခဲ့ကြောင်း သိရသည်။

 

စစ်ဆေးဖော်ထုတ်ချက်များအရ သိမ်းဆည်းရမိ အိုက်စ် (မက်သ်အဖက်တမင်း)များအား ရှမ်းပြည်နယ်မှ မန္တလေးသို့သယ်ဆောင်၍ မန္တလေးတွင် သိုလှောင်ကာ ဧရာဝတီတိုင်းဒေသကြီး ပုသိမ်သို သယ်ဆောင်ပြီး ၎င်းမှတစ်ဆင့် မလေးရှားနိုင်ငံရေပိုက်နက်သို သယ်ဆောင်ခြင်းဖြစ်ကြောင်း သိရှိရသဖြင့် ၎င်းမူးယစ်မှောင်ခို ဂိုဏ်းအဖွဲအား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေး ဖော်ထုတ်လျက်ရှိကြောင်း မြန်မာနိုင်ငံရဲတပ်ဖွဲမှ သိရသည်။

 

#PeopleMedia