မိသားစုဝင်များရှေ့တွင် ရာအိမ်မှူးတစ်ဦး သေနတ်ပစ်ခတ်ခံရ၍ သေဆုံး
PUBLISHED - September 21, 2023
နေပြည်တော်၊ စက်တင်ဘာ ၂၁
ပဲခူးတိုင်းဒေသကြီး၊ တောင်ငူခရိုင်၊ ရေတာရှည်မြို့၊ ကွမ်းအုံကျေးရွာအုပ်စု၊ ကွမ်းအုံကျေးရွာရှိ ရာအိမ်မှူး တစ်ဦးကို PDF များမှ လာရောက်ပစ်ခတ်သွားကြောင်း သိရသည်။
စက်တင်ဘာလ ၂၀ ရက် ည ၈ နာရီကျော်တွင် ကွမ်းအုံကျေးရွာရှိ ရာအိမ်မှူး ဦးမောင်လွင်၏ နေအိမ်သို့ PDF များရောက်ရှိလာပြီး ထိုနေအိမ်တွင် မိသားစုဝင်များနှင့်အတူရှိနေသည့် ဦးမောင်လွင်ကို မိသားစုဝင်များအရှေ့ တွင် သေနတ်ဖြင့် ပစ်ခတ်သွားကြောင်း သိရသည်။
ထိုပစ်ခတ်ခံရမှုကြောင့် အသက် (၆၀) နှစ်အရွယ် ဦးမောင်လွင်မှာ အခင်းနေရာတွင် သေဆုံးသွားကြောင်း သိရသည်။
Photo – Credit
#PeopleMedia