မိုးညှင်းမြို့တွင် ဝါးခုတ်သည့် အမျိုးသားတစ်ဦး ကျည်ထိဒဏ်ရာရရှိ
PUBLISHED - November 22, 2023
နေပြည်တော်၊ နိုဝင်ဘာ ၂၂
ကချင်ပြည်နယ်၊ မိုးညှင်းခရိုင်၊ မိုးညှင်းမြို့၊ အောင်သပြေ (၁) ရပ်ကွက်အနီးရှိ လောက်စာတောင်တွင် ဝါးခုတ် နေသည့် အမျိုးသားတစ်ဦး ကျည်ထိမှန် ဒဏ်ရာရရှိကြောင်း သိရသည်။
အောင်သပြေ (၁) ရပ်ကွက်တွင် နေသည့် ဦးချိုနိုင်ထွေးမှာ နိုဝင်ဘာလ ၂၀ ရက် နံနက် ၈ နာရီဝန်းကျင်တွင် လောက်စာတောင်၌ ဝါးခုတ်နေစဉ် သေနတ်ပစ်ခတ်ခံရကြောင်း၊ ၎င်းကိုပစ်ခတ်သွားသူများမှာ ထွက်ပြေး သွားကြောင်း သိရသည်။
ထိုပစ်ခတ်ခံရမှုကြောင့် ဒဏ်ရာရရှိသည့် အသက် (၄၁) နှစ်အရွယ် ဦးချိုနိုင်ထွေးမှာ ဝမ်းဗိုက်တွင် ကျည်ထိမှန် ဒဏ်ရာတစ်ချက်နှင့် ခါးတွင်းပွန်းပဲ့ဒဏ်ရာအနည်းစီရရှိကြောင်း သိရသည်။
ပြီးခဲ့သည့် ဇူလိုင်လပိုင်းတွင် မိုးညှင်းမြို့၊ လောက်စာတောင်အနီး၌ အမျိုးသမီးတစ်ဦး သတ်ဖြတ်ခံရသည့် ဖြစ်စဉ်များလည်းရှိခဲ့သည်။
Photo – Credit
#PeopleMedia