မုံရွာမြို့တွင် နေအိမ်တစ်အိမ်ဓားပြတိုက်ခံရ၊ ဓားပြများမှ အိမ်ရှင်ကိုယ်ဝန်ဆောင်အမျိုးသမီးကိုပါ သတ်ဖြတ် သွား
PUBLISHED - August 11, 2023
နေပြည်တော်၊ သြဂုတ် ၁၁
စစ်ကိုင်းတိုင်းဒေသကြီး၊ မုံရွာမြို့၊ ထန်းတောအင်းဖြတ်ရပ်ကွက်ရှိ နေအိမ်တစ်အိမ် ယမန်နေ့ မွန်းလွဲပိုင်း အချိန်က ဓားပြတိုက်ခံရပြီး ဓားပြတိုက်သူများမှ အိမ်ရှင်ကိုယ်ဝန်ဆောင် အမျိုးသမီး ၁ ဦးကိုပါ သတ်ဖြတ် သွားကြောင်း သိရသည်။
ဖြစ်စဉ်မှာ သြဂုတ် ၁၀ ရက်နေ့ ညနေ ၃ နာရီအချိန်က မုံရွာမြို့ ထန်းတောအင်းဖြတ်ရပ်ကွက်ရှိ နေအိမ် တစ်အိမ်သို့ ဓားပြအဖွဲ့တစ်ဖွဲ့ရောက်ရှိလာပြီး နေအိမ်အတွင်းရှိ အိမ်ရှင်ကိုယ်ဝန်ဆောင်အမျိုးသမီး ၁ ဦးကို သတ်ဖြတ်ကာ ဖုန်း ၂ လုံးနှင့် Click ဆိုင်ကယ် ၁ စီးတို့အား လုယက်သွားကြောင်း သိရသည်။
အသတ်ခံရသည့် ကိုယ်ဝန်ဆောင်အမျိုးသမီးသည် ၂၀၂၃ ခုနှစ် ဇွန်လ ၁ ရက်က မင်္ဂလာသက်တမ်း ၁ နှစ်ပြည့်ခဲ့ပြီး၊ ယခုလအတွင်း သားဦးယောကျာၤးလေး မီးဖွားမည့်သူဖြစ်ကြောင်း သိရသည်။
#PeopleMedia