မူဆယ်မြို့တွင် နွားကျောင်းပြီးနေအိမ်သို့ ပြန်လာသည့် အမျိုးသားတစ်ဦး မိုင်းနင်းမိ၍ ဒဏ်ရာရ
PUBLISHED - October 11, 2023
နေပြည်တော်၊ အောက်တိုဘာ ၁၁
ရှမ်းပြည်နယ်၊ မူဆယ်ခရိုင်၊ မူဆယ်မြို့၊ ဖာဖိတ်ကျေးရွာနှင့် နမ့်တောင်ကျေးရွာကြားတွင် နွားကျောင်းပြီး နေအိမ်သို့ပြန်လာသည့် အမျိုးသားတစ်ဦး မိုင်းနင်းမိ၍ ဒဏ်ရာရရှိခဲ့ကြောင်း သိရသည်။
အောက်တိုဘာလ ၁၀ ရက် ညနေ ၄ နာရီအချိန်ဝန်းကျင်တွင် မူဆယ်မြို့တွင် နေထိုင်သည့် အမျိုးသား တစ်ဦး မှာ နွားကျောင်းပြီး နေအိမ်သို့ပြန်လာစဉ် ဖာဖိတ်ကျေးရွာနှင့်နမ့်တောင်ကျေးရွာကြားတွင် မိုင်းနင်းမိပြီး ဒဏ်ရာ ရရှိခဲ့ကြောင်း သိရသည်။
ယင်းမိုင်းနင်းမိကြောင့် အသက်(၃၃) နှစ်အရွယ် မာနော်၏ ညာဘက်လက်၊ဆီးခုံ၊ ညာဘက်ခြေထောက်နှင့် ညာဘက်ခြေသလုံးတို့တွင် စိုးရိမ်ရသည့် ဒဏ်ရာများရရှိမှုကြောင့် မူဆယ်ခရိုင်ပြည်သူ့ဆေးရုံကြီးတွင် ဆေးကု သမှုခံယူနေကြောင်း သိရသည်။
Photo – Credit
#PeopleMedia