မော်လမြိုင်မြို့တွင် မော်တော်ယာဉ်တစ်စီးမှ မော်တော်ဆိုင်ကယ်အားတိုက်မိရာ ကလေးတစ်ဦးအပါအဝင် (၃) ဦးဒဏ်ရာရ
PUBLISHED - January 15, 2024
နေပြည်တော်၊ ဇန်နဝါရီ ၁၅
မွန်ပြည်နယ်၊ မော်လမြိုင်ခရိုင်၊ မော်လမြိုင်မြို့၊ ဈေးကြိုကားဝင်ရှေ့၊ မြသရေဖူလက်ဖက်ရည်ဆိုင်အနီးတွင် မော်တော်ယာဉ်တစ်စီးမှ မော်တော်ဆိုင်ကယ်အား တိုက်မိရာ ကလေးတစ်ဦး အပါအဝင် (၃) ဦး ဒဏ်ရာ ရရှိခဲ့ကြောင်း သိရသည်။
ဇန်နဝါရီလ ၁၄ ရက် ည ၈ နာရီကျော်တွင် လမ်းကြောင်းမှန်စွာ မောင်းနှင်လာသည့် မော်တော်ဆိုင်ကယ်ကို ဈေးကြိုကားဝင်းမှ လမ်းမပေါ်သို့ဖြတ်တတ်လာသည့် မော်တော်ကားမှ အရှိန်လွန်၍ ထိုမော်တော်ဆိုင်ကယ်ကို တိုက်မိသွားကြောင်း သိရသည်။
ထိုတိုက်မိသောကြောင့် မော်တော်ဆိုင်ကယ်ပေါ်မှ မော်တော်ဆိုင်ကယ်မောင်းသူ အမျိုးသားနှင့် လိုက်ပါလာ သည့် ကလေးတို့မှာ ဒဏ်ရာများရရှိပြီး ထိုကလေး၏မိခင်ဖြစ်သူမှာ သတိမရသောကြောင့် မော်လေမြိုင်ဆေးရုံ သို့ စေတနာရှင်လူမှုကယ်ဆယ်ရေးအသင်းမှ ပို့ဆောင်ပေးခဲ့ကြောင်း သိရသည်။
Photo – Credit
#PeopleMedia