မျှစ်ချိုးနေသည့် သားအဖနှစ်ဦး တောဆင်ရိုင်းအနင်းခံရ၍ ဖခင်ဖြစ်သူသေဆုံး
PUBLISHED - August 9, 2023
နေပြည်တော်၊ သြဂုတ် ၉
ရန်ကုန်တိုင်းဒေသကြီး၊ တိုက်ကြီးမြို့၊ ဘန့်ဘွေးကွင်းကျေးရွာ၊ ကွင်းအမှတ် (၇၅၈) C တောကွင်းတွင် မျှစ်ချိုးနေသည့် သားအဖနှစ်ဦး တောဆင်ရိုင်းအနင်းခံရ၍ ဖခင်ဖြစ်သူသေဆုံးသွားကြောင်း သိရသည်။
သြဂုတ်လ ၇ ရက်နေ့တွင် ဦးလှမြိုင်မှာ သားဖြစ်သူနှင့်အတူ ၎င်းတို့ပိုင်ဆိုင်သည့် ကွင်းအမှတ် (၇၅၈) C တော ကွင်းတွင် မျှစ်ချိုးနေစဉ် မွန်းလွဲ ၁ နာရီဝန်းကျင်အချိန်၌ တောဆင်ရိုင်းများဝင်ရောက်လာပြီး လိုက်လံ တိုက်ခိုက် ရာမှ ဖခင်ဖြစ်သူ ဦးလှမြိုင်မှာ ဆင်းနင်းခံရ၍ သေဆုံးပြီး သားဖြစ်သူမှာ ထွက်ပြေးလွတ်မြောက်သွားကြောင်း သိ ရသည်။
ထိုတောဆင်ရိုင်း ၅ ကောင်မှာ မွန်းလွဲ ၂ နာရီအချိန်တွင် ပြန်လည်ထွက်ခွာသွားကြောင်း သိရသည်။
Photo – Credit
#PeopleMedia