မြင်းခြံမြို့တွင် အမျိုးသားတစ်ဦး သေနတ်ပစ်ခတ်ခံရ၍ သေဆုံး
PUBLISHED - August 17, 2023
နေပြည်တော်၊ သြဂုတ် ၁၇
မန္တလေးတိုင်းဒေသကြီး၊ မြင်းခြံခရိုင်၊ မြင်းခြံမြို့၊ သင်ပြွန်းကျေးရွာအနီး မြင်းခြံ-နွားထိုးကြီးကားလမ်းဘေးတွင် အမျိုးသားတစ်ဦး သေနတ်ပစ်ခတ်ခံရ၍ သေဆုံးနေကြောင်း သိရသည်။
သြဂုတ်လ ၁၅ ရက် နံနက် ၉ နာရီအချိန်တွင် အမျိုးသားတစ်ဦး သေဆုံးကြောင်း သတင်းရရှိသောကြောင့် ဖြစ်စဉ်နေရာသို့ လုံခြုံရေးတပ်ဖွဲ့များမှ သွားရောက်စစ်ဆေးရာတွင် ကျည်ထိဒဏ်ရာများဖြင့် သေဆုံးနေသည့် ဦးဆန်ပေါ၏ ရင်ဘတ်ကျည်ဖောက်ဝင်ဒဏ်ရာ ၁ ချက်၊ လည်ဂုတ် ကျည်ဖောက်ဝင်ဒဏ်ရာ ၁ ချက်၊ စုစုပေါင်း ကျည်ထိဒဏ်ရာ ၂ ချက်ဖြင့် သေဆုံးနေကြောင်း သိရသည်။
ထိုသေနတ်ပစ်ခတ်ခံရ၍ သေဆုံးသည့်အမျိုးသားမှာ အသက် (၅၃) နှစ်အရွယ် ဦးဆန်ပေါဖြစ်ကြောင်း၊ ရုပ် အလောင်းကို မြင်းခြံခရိုင်ပြည်သူ့ဆေးရုံကြီးသိုပို့ဆောင်ထားကြောင်း သိရသည်။
Photo – Credit
#PeopleMedia