မြင်းမူမြို့တွင် PDF များမှ ဒရုန်းဖြင့် ပစ်ချတိုက်ခိုက်ရာ ဘုန်းကြီးတစ်ပါး ဒဏ်ရာရ
PUBLISHED - January 29, 2024
နေပြည်တော်၊ ဇန်နဝါရီ ၂၉
စစ်ကိုင်းတိုင်းဒေသကြီး၊ စစ်ကိုင်းခရိုင်၊ မြင်းမူမြို့နယ်၊ ဂွေးပင်တောကျေးရွာရှိ ဘုန်းတော်ကြီးကျောင်းသို့ PDF များမှ ဒရုန်းဖြင့်ပစ်ချတိုက်ခိုက်ရာ ဘုန်းကြီးတစ်ပါး ဒဏ်ရာရရှိခဲ့ကြောင်း သိရသည်။
ဇန်နဝါရီလ ၂၈ ရက်နေ့တွင် မြင်းမူမြိုနယ်၊ ဂွေးပင်တောကျေးရွာ၊ ဥတ္တရာ ရာမဘုန်းကြီး ကျောင်းအခြေပြု လုံခြုံရေးအဖွဲမှ အခြေပြုလုံခြုံရေးဆောင်ရွက်နေစဉ် မွန်းလွဲ ၁ နာရီကျော်တွင် PDF များမှ ထိုကျေးရွာရှိ အနောက်တောင်ဘက် မီတာ ၈၀၀ ခန့်အကွာ ဂွေးပင်တောကျေးရွာ သုသာန်ဘက်မှ Drone ဖြင့် Drop Bomb ၈ လုံးအား အမြင့်မီတာ ၁၅၀၀ ခန့် အကွာမှပစ်ချတိုက်ခိုက်ခဲ့ကြောင်း သိရသည်။
ထိုပစ်ချမူကြောင့် ပင်မကျောင်းဆောင်ရှေ့တွင် ဗုံးသီး ၄ လုံး၊ ဆွမ်းစားဆောင်ရှေ့တွင် ဗုံးသီး ၁ လုံး၊ အရှေ့ ဘက်ရေကန်ဘောင်ပေါ်သို ဗုံးသီး ၁ လုံး၊ ရှစ်မျက်နှာဘုရားရင်ပြင်ရှေ့တွင်ဗုံးသီး ၂ လုံးအသီးသီး ကျရောက် ပေါက်ကွဲခဲ့ပြီး ပေါက်ကွဲသည့်နေရာ၌ ကွန်ကျူးပိုက်အပိုင်းအစများနှင့်သံတိုသံစများတွေ့ရှိခဲ့ကြောင်း သိရ သည်။
ထိုဗုံးကျရောက်ပေါက်ကွဲမှုကြောင့် သက်တော် (၆၆) နှစ် ဝါတော် (၄၆) ရှိ ကျောင်းထိုင်ဆရာတော် ဦးဧသိကမှာ ဘယ်ဘက်ခြေသလုံး/ခြေကျင်းဝတ်ဗုံးစ ထိမှန်ဒဏ်ရာ ၂ ချက်(မစိုးရိမ်ရ) တို့ရရှိခဲ့ကြောင်း သိရသည်။
Photo – Credit
#PeopleMedia